Өчүүхэн ч гэсэн цэвэр биш хоол идэхэд л таны дотоод ахуй ойлголт түйвээнтэй болдог.

Одоо Малайзаас Ирфаны илгээсэн сэтгэгдлийг хүргэе:

Эрхэм Их Багш болон Суприм Мастер ТВ-ийн багт Адис ивээлийг хүсэн ерөөе. Би өөрт тохиолдсон явдлаа хуваалцмаар байна: 2024 онд би найзуудтайгаа хамт Малайз, Тайланд руу аялсан юм. Энэ үед Есөн Эзэн Хаан Бурхадын баяр болж таарав. Энэ хугацаанд цагаан хоолны биш олон ресторан 10 хоногийн турш цагаан хоолоор үйлчилж байв. Би гадаадад явж байгаа бас маш их веган хоол харсан болохоор тайвширч, сонор сэрэмжээ алджээ. Нэг өдөр би хэд хэдэн веган ресторанд хооллов. Гэхдээ нэг худалдаачнаас хөнгөн зууш худалдаж авсан. Худалдаачин ихэвчлэн цагаан хоолны бус хүнс зардаг ч энэ баярын үеэр цагаан хоолны хүнсээр солиод зарж байгаагаа хүлээсэн юм л даа. Би нэг их юм бодолгүй зуушийг идэв. Тэр шөнө би харанхуй төрөлтнүүд байнга шилжин хөдөлж буй төөрдөг байшин шиг харанхуй ертөнцөд орчихсон. Би найзаасаа барьж, гарах гарц хайсаар л байлаа. Би Их Багшийн Нэрийг чимээгүйхэн давтан хэлээд эцэст нь чангаар хашхирах шахахаасаа өмнө сэрэв.

Сэрсэн даруйдаа би ариун бус зүйл идсэнээс болсон гэдгийг ойлгосон. Би даруй наманчилж, Их Багшийн тусламжид талархсан. Их Багшийн нэгэн лекц дээр хэлсэн үгийг би санав: “Бясалгагч нар цэвэр ариун хоол идэх тал дээр анхаарах хэрэгтэй. Хэрэв та муу үйлийн үртэй хэвээр байна гэж бодож байгаа бол баталгаатай байх үүднээс Суприм Мастер Телевизээр миний та бүхэнд заасан үйлийн үргүй хоол руу ороорой. Энэ нь муу үйлийн үрийг багасгахад тусална. Авшиг гэдэг нь танд гэгээрлийн эрхэм эрхийг олгож, гэгээнтний зэрэглэлд оруулж буй явдал боловч та тэрхүү эрх ямбаа хариуцах үүрэгтэй.” ("Бурхан бүхнийг зохицуулдаг" лекцээс.)

Би Их Багшаас асуумаар байна: Хэрэв бид гадуур явж байхдаа веган хоол идэх ёстой болбол яаж сонговол зохилтой вэ? Хэдийгээр бид веган хоолыг сонгосон ч хоол бохир хольцгүйд баталгаатай байхын тулд өөрсдөө хоол хийж чадахгүй байгаа нөхцөлд дараах дарааллаар хооллох газруудыг сонгох хэрэгтэй гэж би бодож байна: Нэгдүгээрт, веган ресторанууд (хоол нь сонгино, саримстай байсан ч); хоёрдугаарт, энэтхэг зоогийн газрууд (сонгино, саримс агуулсан байж болох ч өндөггүй байдаг, гэхдээ сүүн бүтээгдэхүүнтэй байж болно); эцэст нь өндгөөр үйлчилдэг цагаан хоолны ресторанууд. Энэ дараалал тохиромжтой юу?

Эцэст нь хэлэхэд, хүн төрөлхтөн удахгүй веган хоолонд шилжиж, дэлхий удахгүй амар амгалан, гоо үзэсгэлэнд хүрэх болтугай гэж чин сэтгэлээсээ залбирч байна. Их Багш Таны Адислал, хамгаалалтад баярлалаа. Танд хайртай шавь, Малайзын Ирфан.

Гярхай Ирфан, манай дэлхий дээр веган хоол хүнс ганц дангаараа худалдаанд байдаггүй нь харамсалтай. Тэр болтол бид хичээнгүй байж, веганизмын цэвэр ариун байдлыг эрхэмлэдэг газруудад хооллох ёстой. Та өөрийн түүхдээ дурссан шигээ зүйлийг дахин хэзээ ч мэдрэхгүй гэж найдаж байна. Та болон сүрлэг Малайз улс Диваажингийн дэвшүүлэлтээр амар амгаланг олох болтугай, Суприм Мастер ТВ-ийн баг

Жич: Их Багш танд хариулт илгээлээ: "Ухаалаг Ирфан, веган амьдралын хэв маягаар амьдрах зам үргэлж амархан байдаггүй ч үүний талаар ухамсартай хандаж байгаад баярлалаа! Веган биш газар хооллохдоо бид үргэлж ариун бус хоол идэх эрсдэлтэй байдаг. Ийм учраас гадуур хооллохдоо цэвэр веган ресторан олох нь хамгийн сайн. Сайн веган хоол олоход зориулсан таны тэргүүлэх жагсаалт тохиромжтой харагдаж байна. Дашрамд дурдахад, жирийн бясалгагчдын хувьд сонгино, саримс хориглогдоогүй. Ашрамд л зөвхөн хүчтэй үнэрийг эргэн тойрны бусад хүмүүст тэвчихэд хэцүү байдаг учраас тэдгээр нь зохимжтой биш байж магад. Өчүүхэн ч гэсэн цэвэр биш хоол идэхэд л таны дотоод ахуй ойлголт түйвээнтэй болдог. Өдөр бүр амьтан-хүний мах иддэг хүмүүст юу тохиолдохыг төсөөлөөд үз дээ. Тийм ч учраас одоо хүн бүр веган болох нь хамгийн чухал бөгөөд ингэснээр манай дэлхийд цогцлох учиртай байсан жинхэнэ диваажин бий болж чадна. Та болон найрсаг Малайзын ард түмэн Аллахын Билэг ухаан, Хайраар бялхаж байх болтугай. Танд үүрд хайртай шүү!”