Хэрэв хувь хүн бүх үйлдлийнхээ нөлөөлөл, үйлийн үрийн уршиг дагаврыг үнэхээр харж чаддаг байсан бол хүн бүрийн зан үйл аль болох буянтай байх байсан.

Монголын Баярмаагаас ирүүлсэн сэтгэлийн үгийг одоо хүргэе:

Хамгаас Хайрт Оройн Дээд Их Багш Чин Хай Тандаа мэндчилгээ дэвшүүлж, гүнээ талархаж байгаагаа илэрхийлэх боломж олдож байгаад би маш их баярлаж байна. Та минь намайг мунхгаасаа болж амьдралынхаа доод цэгт унасан байхад, чин сэтгэлийн минь аврал гуйсан тэр залбирлыг минь сонсож, надад гараа сунгасан билээ. Тэр өдрөөс эхэлж, Та минь намайг чиглүүлж, өдөр бүр ухаарал, сургамж, гайхамшгаар дүүрэн байх болсон. Орой бүрийн дэлхий нийтийн алтан цагийн бясалгалаар Арьяабалын Аргаар өдөр алгасахгүй бясалгаж эхэлсэн юм. Бясалгах тусам мэдрэмж минь нарийсаж, Та минь бясалгалын үеэр заларч, Адисалж тэвэрч байгааг Тань хүртэл мэдэрдэг болсон.

Нэгэн удаа би ээжтэйгээ ажил төрлийн асуудлаас болж үл ойлголцол үүсгэж, дургүйцэх тэр мэдрэмжээ ээждээ гаргахад надаас их хэмжээний сөрөг давлагаа гарч байгааг анзаарав. Гэтэл тэр нь эргээд над руу хэд дахин нугаларч, намайг тэр сөрөг давлагаа цохиж, миний толгой эргэн бие муудаж, тэрхүү сөрөг давлагаанаас гарч чадахгүй унаж байв. Тэр өдрөөс хойш бидний өдөр тутамдаа өөрсдөө ч мэдэхгүй бусдын талаар хов болон сөрөг зүйл ярьж бодож, бусдад тааламжгүй үг хэлж шүүмжлэх нь эргэн тойрноо мөн дэлхийгээ сөрөг хэлбэлзлээр гэмтээдгээс гадна эргээд биднийг гэмтээж байгааг өдөр ирэх тусам анзаарч тэрхүү зуршлуудаа больсон юм.

Гэтэл нэг шөнө тэнгэрээс Гэрэл цацарч, уулын орой дээр Есүс бууж ирээд, надад тунгалаг болор гарт минь бариулж байна гэсэн дотоодын ахуй ойлголт үзэв.

Таныхаа, хэрхэн намайг болон миний амьдралыг өөрчилсөн түүхийг яривал дуусашгүй их. Өдөр бүрийг минь хайр гайхамшгаар дүүрэн байлгадаг Тандаа баярлалаа. Mөн өөрийгөө засаж ухаарах боломж олгосонд баярлалаа. Тандаа хязгааргүй их хайртай шүү. Монгол улсаас Баярмаа

Хөгжилтэй Баярмаа, сэтгэгдлээ илгээсэнд баярлалаа! Их Багш тантай ийм эелдэг үгсийг хуваалцаж байна:

“Авхаалжтай Баярмаа, Оюун санааны дэвшилд ахиж дэвшиж байгаад баярлалаа! Танаар маш их бахархаж байна, хайр минь. Бусдад муугаар хандах нь өөрийгөө ч бас хохироодог гэдгийг хүмүүс мэддэггүй. Тэр ч бүү хэл тэд зан араншнаараа нэн олон муу үйлийн үрийг бий болгодог. Хэрэв хувь хүн бүх үйлдлийнхээ нөлөөлөл, үйлийн үрийн уршиг дагаврыг үнэхээр харж чаддаг байсан бол хүн бүрийн зан үйл аль болох буянтай байх байсан. Хүний бие нь дотор байгаа хүнээсээ бодит байдлын ихэнхийг нуудаг учраас л тэд юу хийж байгаагаа ухаардаггүй. Тийм ч учраас Эзэн Есүс: “Эцэг минь, тэд юу хийж байгаагаа мэдэхгүй тул тэднийг өршөөнө үү.” гэж хэлсэн. Таны захиас олон хүнийг зөв зам мөрөөр явахад нь сэрээнэ гэж найдаж байна. Буддагийн Тэнгэрлэг Гэрэл таныг болон гайхамшигт Монгол улсыг гийгүүлж байх болтугай. Танд хязгааргүй их хайртай шүү!”