Дэлгэрэнгүй
Татаж авах Docx
Дэлгэрэнгүй уншаарай
Одоо найм дахь нь. Та бүхэнд түр чөлөө зав гарсан ч Гэрлийн бясалгалаа хийхийн аргагүй богино хугацаа байвал “хоёр хөмсөгнийхөө завсар төвлөрөөрэй”. Билгийн мэлмийн төв хаана байдгийг та мэдэх учраас бодол үүсэхээс өмнө тэрхүү орон зайд төвлөрөөрэй. Та нар хаа байдгийг мэднэ. Бүх бодлууд бий болгохоос өмнө, бүх хүсэл соёолохоос өмнө тэндээ төвлөрөөрэй. Магадгүй Буддын хэллэгээр үүнийг “хоосон”, “хоосон орон зай” гэдэг, эсвэл “бодол үгүй орон зай” гэх мэтээр нэрлэдэг, эсвэл “үүдгүй үүд.” Тэгээд тухайн үед бодолд тань ямар л хэлбэр дүрс бий болно, эсвэл магадгүй өөрийн тань төрх ч бай, үүнийгээ ертөнцийн хүчээр дүүргээрэй. Төсөөл дөө, магадгүй. “Тэгээд энэхүү (дотоод Диваажингийн) Гэрэлд, Ертөнцийн мөн чанарт умбаарай. Яг л шүршүүрт орж буй мэт, гэхдээ шүршүүрийн ус биш ертөнцийн (дотоод Диваажингийн) Гэрлийн шүршүүр, ертөнцийн адис, гэрлийн шүршүүрт.Тэгэхээр бүхий л нөхцөлд бид нөхцөл байдлыг ашиглан, тухайн мөч дэх завгүй байдлаа ашиглан өөрсдийгөө гэрэлтүүлэхийг хичээж, одоо цагтаа байх боломжтой. Энэ нь хамгийн сайн. Тиймээс бүхий л эгэл ертөнцийн үйл хэргийг бид дадуулах боломжтой. “Надад цаг алга... Би завилж сууж чадахгүй” гэх мэт зүйл хэлэх шаардлагагүй. Боломж гарах бүрд хэрэгжүүлж болно. Мөн боломжгүй үедээ ажиллаж байхдаа хэрэгжүүл. Ажлаа бясалгал болго. Бүх ажлын цаад хүчинд төвлөр, бүх гүйлтийн цаад, бүх үйлсийн цаад хүчинд төвлөрвөл та бүхэн үргэлж бясалгах зүйл олно. Цаг бол хэзээд хангалттай. Учир нь бид бүхий л нөхцөл байдлын хором мөч бүрийг ашиглах боломжтой. Одоо ойлгов уу? (Тийм.)Одоо ес дэх нь. “Та бүхэн таван мэдрэхүйгээ таван өнгийн тогосын өдтэй зүйрлэж болно, тэгээд тэдгээрээ хаа сайгүй тараагаарай,” Таван өнгийн тогосын өдөө ертөнц даяар түгээ. Тэдгээрийг өнгөөр дүүргэ. Ертөнцийг өнгөөр дүүргэ. Гэхдээ энэ өнгөнүүд нь таван мэдрэхүйг тань хэлж буй. Магадгүй, үнэртэх, амтлах, хүрэх мэдрэмжүүд... Тэгэхээр тогосын өд үнэхээр өнгөлөг, маш үзэсгэлэнтэй учраас эдгээр өнгө, гоо үзэсгэлэн дотоодод тань хайлаг. Тэгээд хязгаар байгаа мэт мэдрэгдэх бүрд хязгаар үлдэхгүй болтол нь тэлж байгаарай. “Тэр тохиолдолд та бодол тархин дахь бүх хязгаарыг үгүй болгож, улмаар бусдад сайнаар хүссэн бүхэн тань биеллээ олох болно.” Ингэж л та нар хүчээ хязгааргүй ашигладаг юм. Ингэж л тоо томшгүй олон төрөлтөнд ач тус хүргэдэг... эргэн тойрны тань эсвэл тантай учирсан, та сайныг хүсэж залбирсан хэн бүхэн ач тус хүртэх болно. За. Одоо хаана байна? Ес дэхийг нь хэллээ, тийм үү? Ая зөнгөөрөө ярихад илүү амар байдаг. Гэтэл эртний билиг ухаанд төвлөрөх ёстой үед би алдаа гаргамааргүй байна, энэ нь илүү оюуны ухааны байдаг ба тун амаргүй. Оюун ухааны; оюун ухааны яриа ашиглах үнэхээр хэцүү.Арав дахь нь. “Та бас нүдээ аниад дотоод оршихуйгаа нарийвчлан харахыг хичээж болно.” Тиймээс дотоод оршихуйдаа төвлөрч байх үед, “та Жинхэнэ Мөн Чанараа харах болно.” Болж өгвөл ойлгохыг хичээгээрэй. Ашиглах боломжгүй арга байвал зүгээр л орхичих.Арван нэгт: “Бүх анхаарлаа мэдрэл дээрээ аваачаарай, мэдрэлүүд бас үнэхээр эмзэг гэдгийг ойлгоорой, яг л лянхуа цэцгийн утас мэт. Улмаар та бие махбодоо өөрчлөх болно.” Тэр юу гэх гэсэн бэ гэвэл, бодол тархиа хянах үнэхээр хэцүү байвал үүнийгээ бие махбодын мэдрэл шиг тийм эмзэг нарийн зүйлд төвлөрүүлэхийг хичээгээрэй. Та нар огт харж байгаагүй болохоор, бодол тархи энэ бүх мэдрэлийг төсөөлөх хэцүү. Энэ нь сайн, сайнаар нөлөөлнө. Тэгснээр бодол тархинд тэнүүчилж, өөр зүйл хийх цаг гарахгүй. Магадгүй... Олон хүний хувьд ийм ээдрээтэй байх нь зохицдог. Учир нь бүх төрөлтнүүд өөр өөр, бүх хүн адил байдаггүй. Тиймээс хүн бүр төвлөрөхийг хичээвэл тэр магадгүй өөр төрлийн төвлөрөл, өөр нөхцөл байдлыг ашиглана.Гималайн ууланд магадгүй энэ бүх ээдрээтэй зүйлс шаардлагагүй. Зүгээр л цас хараад та нар хөлдчихнө. Цаг хугацаа, орон зайд хөлдөнө. Бодол тархи хаашаа ч тэнэх боломжгүй, учир нь хэсэг хугацааны дараа тэр хоосонд дасаж, цагаанд, уулын хоосонд дасна. Түүний хувьд тэнд мөрөөдөх зүйл үгүй болно. Хэсэг хугацааны дараа магадгүй бүх хүсэл, тархинд бүртгэгдсэн бүх дадал зуршил үгүйрч хоосорно. Тэгээд үүнийгээ буцаагаад сонин сэтгүүл, зурагт телевиз ч юм уу муу киногоор дүүргэхгүй. Ингээд ядаж л хагас хоосорно. Тийм учраас олон Их Багш нар Гималайн уулсыг юм уу элсэн цөлийг илүү үздэг.Би ч бас цөлд хоёр долоо хоног билүү байсан, үнэхээр сайхан байж билээ. Нэг өдөр их хүйтэрч би бараг л ухаан алдах дөхсөн. Улмаар би буцаад хот руу, байр руугаа гүйсэн дээ, хот ч биш л дээ, өөр газар. Байшинтай. Учир нь миний байрлаж байсан элсэн цөлд ямар ч байшин, ус, цахилгаан байхгүй. Усгүй учраас явж авчирдаг. Их хол, хоёр км гаруй зайд бий. Шууд крантнаас гоожихгүй. Тэр цөлд юу ч байхгүй, энд тэнд хэдэн хуурай бут сөөг, бас хулгана(-хүмүүс) д байдаг. Өө тийм, бас туулай(-хүмүүстэй). Цөлийн туулай(-хүмүүс) үнэхээр жижигхэн, та нар төсөөлөхгүй. Тэднийг хулгана(-хүн) байна гэж бодмоор! Тийм, нэлээд жижиг ч яг л туулай(-хүний) төрхтэй. Яг над шиг, би жижиг харагддаг ч... Би бол хүн. Магадгүй цөлд идэх зүйл их байдаггүй болохоор туулай(-хүмүүс) улам бүр жижгэрсэн байх.За, өөр юу байгааг харцгаая. Арван хоёр: “Толгойнхоо долоон үүдийг гараараа хаавал хоёр нүдний тань хоорондох зай бүхнийг багтаах болно.” Энэ юу гэсэн үг болохыг ойлгож байгаа, тийм үү? Энэ бүхэн буцаад билгийн мэлмийн төвд ирж байна. Өөр өөр байдлаар л ярьж буй. Яг л би олон зүйл ярьдаг ч буцаад үргэлж Арьяабалын Аргад ирдэг шиг. Би явж өөр өөр лекц хийж, өөр өөр амттай “хоол” хийдэг ч эцсийн эцэст би цорын ганц Арьяабалын Аргыг болон (дотоод Диваажингийн) Гэрлийг л заадаг.Одоо, арван гурав. Эдгээр нь сайн төвлөрч чадахгүй байгаа хүмүүст зориулагдсан учраас өөр өөр тустай хэрэгсэл ашиглаж байна. Яг л зарим хүмүүс над руу бичээд (дотоод Диваажингийн) Гэрэл дээр төвлөрөх үнэхээр хэцүү байна гэж хэлдэг. Хариуд нь би, “Билгийн мэлмийгээ жаахан үр, эсвэл хумсаараа хүрэх юм уу тэсэж чадахаар бол жаахан хатга. Гэхдээ цус гартал нь хатгав даа. Эндээсээ цус гаргах хэрэггүй, зүгээр л санах зорилгоор хүрээрэй.” гэдэг. Энэ бас нэг арга нь. Эсвэл заримдаа хэн нэгэн... Шива энд тэгж хэлээгүй ч надад үүнээс илүү олон арга бий. Жишээ нь би бясалгалын танхимаар явж байгаад хүмүүс гүн “самадид” сууж, толгой нь байнга ийш тийш эргээд байгааг хардаг учраас би толгойн хүрдэн дээр нь товшиход тэд буцаад төвлөрдөг. Гэтэл энэ аргыг Шива энд бичээгүй байна. Би Түүнд хэлнэ ээ, хэлнэ, Тэр үүнээс илүү орчин үежүүлэх хэрэгтэй. Учир нь дээр үед магадгүй хүмүүс энэ цаг үе шиг ингэж их унтдаггүй байсан байх. Одоо цагт хүмүүс агааржуулагчтай, халаалтын системтэй болсон болохоор үнэхээр тухтай. Тиймээс хүмүүс хэт тухтай байдаг учраас бид илүү олон арга ашиглах шаардлага гарна.За одоо арван гурав, Тэр бясалгаж байхдаа “Хэрэв та нар төвлөрч чадахгүй бол нүдэн дээрээ зөөлөн хүрээрэй, яг л өд мэт зөөлөн хүрвэл магадгүй тэр үед та нар (дотоод Диваажингийн) Гэрлийг харна.” гэсэн байна. Тийм, тийм байх. Миний бодлоор та нар дандаа унтдаг учраас нүдээ илүү үрэх хэрэгтэй. Хэрэв өд мэт хүрвэл та нар хөдөлж ч чадахгүй. Бээлий энэ тэрээрээ үрээрэй. Түүний хэлсэн зүйл эрт дээр үеийн хүмүүст зориулагдсан. Гэвч ямартай ч төвлөрч чадахгүй бол туршаад үзээрэй. Нүдэндээ “яг л өд мэт” зөөлөн хүрэх хичээл зүтгэл тань бас төвлөрөл байх болно. Энэ нь зүгээр л буцаад төвлөрүүлэх урхи юм. Тун сайн, тийм үү? (Тийм.)Та нар төрөл бүрийн юмс нааш цааш бодож, Германаас Америк хүрж, буцаад нойлын өрөө орж, дараа нь гал тогоо явж, янз бүрийн юмс бодож байхдаа гараараа, өөрсдийнхөө тэр ширүүн гараар “яг л өд мэт зөөлнөөр” нүдэндээ хүргэхээр төвлөрч чадвал, ядаж л буцаад бясалгах ажилдаа орно. Тэгэхээр энэ Их Багш үнэхээр ухаантай байж. Шива маш ухаантай байсан. Тэр төрөл бүрийн аргаар бидний доторх төрөл бүрийн муу зуршил, сөрөг зүйлсийг устгадаг байв.Photo Caption: “Аюулгүй Байдлын Тань Төлөө Хамгаалан Зогсоно”
