Дэлгэрэнгүй
Татаж авах Docx
Дэлгэрэнгүй уншаарай
Тэгээд би түүнээс “Үнэг Хатагтай, чи энэ удаа яагаад нугас-хүн шиг дуугарсан юм бэ? “Квак, квак, квак, квак.” гээд л. Бусад үед чи өөрөөр дуугардаг. Чи хэд хэдэн удаа дуу хоолойгоо өөрчилсөн. Тэгэхэд үнэг-хүн “Би тодорхой шалтгаанаар зориуд дуурайлгасан. Нэг шалтгаан нь аюулгүй байдлын үүднээс, хэн ч намайг мөшгөж чадахгүй байлгахын тулд.” гэж хэлсэн. Би “Хөөх, чи үнэхээр, үнэхээр ухаантай юм.” гэсэн. Аулак (Вьетнам)-ын үлгэр домогт үнэг-хүмүүсийг маш ухаалаг, овсгоотой гэдэг. Гэхдээ чамайг ийм ухаантай гэж мэдсэнгүй! Тийм ээ, мэдээж чи бас ямар нэгэн ид шидийн, сүнслэг бясалгал хийдэг тул аливааг хэрхэн хийхээ мэддэг. Заримдаа чи бас зүсээ хувирган өөр нэгэнд хувирах хүчтэй. Гайхалтай. Чи харанхуй ойд ганцаараа байдаг тул өөрийгөө үргэлжлүүлэн хамгаалаарай. Хайртай шүү, хайртай. Өө, бас нэг зүйл байна. Миний толгой тэвчихийн аргагүй биш, нэг их хүчтэй биш өвдсөөр, унаснаас хойш толгойны өвчин арилахгүй үргэлжилсээр байна. Тиймээс тархины доргилт юм уу өөр зүйл болсон болов уу гэж санаа зовсон. Тэгээд би ноцтой эсэхийг, мөн толгой яагаад өвдсөөр байгааг БУРХАНААС асуулаа. Яг толгой таллаж өвддөг өвчин шиг, толгой бүхэлдээ биш ч доод хэсэгтээ хүзүү орчимд тавгүйтүүлсэн өвдөлт арилахгүй, мөн толгойн дээд хэсгийн тал орчимд намдахгүй, зовуурьтай өвдөлт үргэлжилж байна. Тэгэхэд БУРХАН “Үгүй. Та илүү сайн амрах ёстой байсан ч амраагүй учраас 40 хувь нь эдгээгүй хэвээр байна. Мөн гэрэлд байж болохгүй байтал гэрэлтэй орчинд ажиллах шаардлагатай болсон. Тийм учраас.” гэсэн. Өө, хөөрхий. Би ажлаа үргэлжлүүлж чадна гэж найдаж байна. Өнөөдөр есдүгээр сарын 14. Тиймээс би өнгөрсөн шөнө үнэг-хүн зочлон ирсэн тухай, бас толгой намдахгүй, төөнөсөн мэт өвдөж байгаа тухай бичлэг хийлээ. Олон цаг эмчилгээ хийсэн ч хүнд уналтаас яагаад бүрэн эдгэрч чадахгүй байгаагаа би БУРХАНААС асуусан юм. Тэгэхэд ТЭРЭЭР бүх хүчийг нэг дор ашиглан бүрэн эдгээж болохгүй. Учир нь бие махбод даахад хэт ихэднэ гэж хэлсэн. Үлдсэн 40 хувийг эдгээхийн тулд би өөрөө амарч, бараан нарны шил зүүх зэрэг арга хэмжээ авах ёстой. Гэхдээ би амарч чадахгүй байхад үүнийг яаж хийх вэ? Заримдаа ажлаа дуусгах ч хангалттай цаг байдаггүй. Заримдаа үзэх баримт бичиг их олон, бүр нэг өдөрт 14, 15, 20 баримт бичиг, нэвтрүүлэг үзнэ. Суприм Мастер Телевизээс гадна бүх бизнес, багийн гишүүдийн эрүүл мэнд болон төрөл бүрийн зүйлд анхаарах хэрэгтэй. Өнөө үед амаргүй болсон. Энд тэнд очиход виз хэрэгтэй, өөрийн биеэр очиж, тэдний шаардсан бүхнийг нотлох ёстой. Хүчтэй цохилттой унавал амрах, гадагш гарахдаа нарны шил зүүх хэрэгтэй, хурц гэрэлд удаан байж болохгүйг би өмнө нь мэддэг байсан. Гэхдээ би ажиллах ёстой. Надад хурц гэрэл хэрэгтэй. Өдрийн цагаар ажлаа харахын тулд нарны гэрэл хэрэгтэй. Шөнийн цагаар ч ажлаа харахын тулд гэрэл хэрэгтэй. Тиймээс үүнээс зайлсхийх аргагүй. Энэ намдахгүй өвдөлт удахгүй арилна гэж л найдаж байна. Толгой өвдсөн тухай та нарын асуултын хариулт энэ. Баярлалаа. Квак, квак! Квак! Квак, квак! Чи зүгээр үү? Үнэг Хатагтай, чи зүгээр үү? Нэргүй үнэг минь, би чамд хайртай. Надад хэлэх зүйл байна уу? Би сонсож байна. Баярлалаа! Баярлалаа, ойлголоо. Чамд ч мөн адил байг. Эрүүл энх, аюулгүй байж, Диваажин болоод бидний Эцэг Эх МАПА-гийн ивээлд багтаг. Зочлон ирсэнд чинь баярлалаа. Маш их баярлалаа. Чи өдөр бүр ирж, сэтгэлийг минь уяраан, надад үнэхээр сайхан, аз жаргалтай мэдрэмж төрүүлдэг. Үүний төлөө баярлалаа. БУРХАН чамайг өдөр ирэх тусам улам их ивээг. Дахин хүн болох зорилгодоо хүрч, энэ удаа Гэгээрсэн Их Багштай учран, Дээд Диваажин өөд дэвших болтугай. Тийм ээ, нэргүй минь? Би чамд хайртай. Би чамайг маш их хайрлаж байна. Магадгүй нэг өдөр би чамтай уулзаж чадах байх. Харанхуйд би хол явж чадахгүй. Чи хаанаас ирсэн бэ? Эндээс хэр хол газар вэ? Намайг энд байгааг мэдээд хэр удаж байна? Хэр холоос ирээ вэ? Хүмүүсийн хэмжих нэгжийг мэдэх үү? нэг метр, арван метр, зуун метрийг, мянган метр нь нэг километр болдог гэх мэт. Чи эндээс хэр хол байсан юм бэ? Хөөх, есөн километр гаруй юу? Хөөх. Ийм холоос ирсэнд чинь сэтгэл минь үнэхээр их хөдөлж байна. Одоо чи энд ойролцоо нутагласан бололтой, шөнө бүр надтай ингэж уулзахаар ирэх юм. Сэтгэл минь үнэхээр уярч, чин зүрхнийхээ гүнээс талархаж байна. Өдий хүртэл чамайг хамгаалсан БУРХАНД талархаж байна. Би чамайг маш их хайрлаж байгаа, мөн чамаас маш их хайр мэдэрч байна. Чи намайг ер нь хайрлаж байна уу? Тийм гэнэ ээ? Өө, хөөх! Тийм ээ, баярлалаа. Маш их баярлалаа. Би үнэхээр мэдэрч байна. Магадгүй нэг өдөр би гарч, чамтай уулзаж чадна. Гэхдээ майхнаасаа гарвал хаашаа явж байгаагаа харахын тулд гар чийдэн тусгах хэрэгтэй. Учир нь энд зам байтугай ойн жим ч байхгүй. Тэгтэл чи өөр өөр зүгээс ирдэг. Өчигдөр миний зүүн талд байсан бол өнөөдөр баруун талд байна. Тийм хурц гэрэлтэй гар чийдэн бариад гарвал чамайг үргээчих вий гэж санаа зовж байна. Гэхдээ би чиний хайрыг мэдэрдэг, бас чамайг маш их хайрладаг. Чамайг хараагүй ч үнэг-хүн, магадгүй үзэсгэлэнтэй үнэг-хүн байгааг чинь би мэдэж байна. Тиймээс би чамайг Үнэг Хатагтай гэдэг. Учир нь чи эмэгчин. Энэ бол албан ёсны нэр биш. Чи нэртэй байж болдоггүй биз дээ? Дараагийн төрөлдөө нэртэй болно. Тиймээс сайн бясалгаж, дахин хүн болоод, бидний хэлээр ярьж чаддаг болохын тулд шамдаарай. Би чамайг ойлгож байна. Надад тэр бол хэрэггүй. Бид бодлоороо харилцдаг. Гэхдээ дахин хүн болсон хойноо хүний ертөнцөд өөрийгөө илэрхийлэхийн тулд хүний хэлээр ярих ёстой. Би чамайг маш их хайрлаж байна. Чамайг тэвэрч, үсийг чинь илээд, духан дээр чинь үнсэж чаддаг ч болоосой. Би чамайг ийм их хайрлаж байна. Гэвч одоо бид өөр өөр зүйл бөгөөд биднийг тусгаарлаж буй юмс олон байна. Харин бидний хайр тусгаарлагдаагүй. За юу, Үнэг Хатагтай? Хэрэв цаг байгаад, хэт эрсдэлгүй, бас ядрахааргүй бол дахин зочлон ирж, надад ийм зүйл дахин ярьж өгч болно шүү. Надтай ингэж ярьсанд чинь би маш их баяртай байна. Ингэснээр чамайг энд байгааг мэдэж, чамайг сонсон, чамтай ярилцаж чадна. Өнгөрсөн шөнө чи их удаан ярьсан. Би чиний дууг бичиж авах гэж сандран оролдсон ч чадсангүй. Гэтэл чи аль хэдийн дуугүй болчихсон. Гэхдээ яах вэ, яах вэ, зүгээр. Майхны минь яг хажууд маш ойрхон сонсогдох чиний баяр хөөртэй дууг сонсох би үнэхээр дуртай. Чи үнэхээр үзэсгэлэнтэй сүнс шүү дээ, үүнийгээ мэдэх үү? Тиймээс хурдлаарай. Би чадах бүхнээрээ чамайг дэмжинэ, бүр дахин хүний төрөл авах хүртэл чинь туслах байх. Би энэ талаар манай МАПА-гаас асууя. Дараагийн удаа ирэхэд чинь хэлье. Үнэг Хатагтай, би чамд маш их хайртай. БУРХАН чамайг ивээж, хайрлан, дахин хүн болоход шаардлагатай бүхий л мөн чанарыг сүнсэнд чинь шингээж адислан, улмаар БУРХАНТАЙ хамт төрөлх Гэртээ, БУРХАНЫ Өргөөндөө эргээд очих болтугай. БУРХАНЫГ үргэлж санаж яваарай. Хайртай шүү, хайртай. За, энэ бол маш сайхан, баяр хөөртэй дуугаар ирсэн үнэг хатагтай байлаа, энэ... Хөөх, өнөөдөр хэдний өдөр билээ? Өнөөдөр хэдний өдөр билээ? Мэдэж авах хэрэгтэй. Өө, тийм ээ, мэдэж байна. Өнөөдөр... Компьютероо харвал мэднэ. Өнөөдөр хэдэн бэ? Өө, компьютер амархан хэлж өгөхгүй нь. Оллоо, оллоо. Өнөөдөр есдүгээр сарын 16. Өө, тийм ээ, ахлагч Фил Лэйнд зориулан илтгэл тавихаа санах ёстой. Би бичиж чаддаггүйдээ биш. Би чадна. Заримдаа жинхэнэ утга агуулгатай бичиж, хүмүүст үнэхээр мэдрүүлэн, ач тус хүргэхийн тулд урам онгод хэрэгтэй болдог. Зүгээр л гоёмсог үг бичихийн нэр биш. Өдий хүртэл ажиллах тэнхээтэй байгаадаа БУРХАНД талархаж байна. Өө, би өдөр бүр маш шаргуу, дор хаяж 10 гаруй цаг ажилласан хэвээр байгаа. Арван цаг ажиллах өдөр тун ховор. Ихэнхдээ үүнээс хавьгүй их, магадгүй 18 цаг, заримдаа арай бага буюу 10-18 цаг ажилладаг. Гэхдээ 10 цаг бол ховор, азтай өдөр. Үүний дараа би бусад ажлаа хийдэг. Миний та нарт хэлсэнчлэн, тамд уначихсан хүүхдүүдээсээ болж шаналж буй БУРХАНЫ сэтгэлийг хөнгөлөх арга олсон. Би тийшээ очиж, тэднийг авран, Диваажин өөд дэвшүүлэхийг хичээгээд зогсохгүй энэ дэлхийн арга хэрэгслийг ч бас ашиглан мэдлэгтэй хүмүүсийн бүлэгт илүү олон хүнийг нэгтгэж, БУРХАНЫГ мэдүүлэх, ядаж БУРХАН оршдогийг ойлгуулахыг зорьдог. Арьяабалын Бясалгалын Аргаар авшиг хүртэж БУРХНЫГ таньж мэдэх нь огт өөр зүйл. Энэ нь хүн БУРХНЫГ бүрэн танин мэдсэн гэсэн үг. Харин БУРХАН байдаг тухай ойлголттой байх, БУРХАНД итгэх нь үүнээс өөр хэрэг юм. Гэхдээ мэдээж тэд ч бас чөлөөлөгдөж чадна. Мэдээж өндөр хэмжээс рүү биш, гэхдээ ядаж л тамд унахгүй, чөлөөлөгдөнө. Энэ нь тэд туйлын чин сэтгэлтэй, маш чин сэтгэлтэй, дундаж чин сэтгэлтэй, эсвэл чин сэтгэлтэй болохыг хүсдэг гээд аль ангилалд багтахаас шалтгаална. Photo Caption: “Бие Махбодын Чихгүйгээр Сонсох Боломжтой Диваажингийн Мэт ДУУ ХООЛОЙТ Эелдэг Сайхан Мэндчилгээ”
