Хэн ч хүсэж байсан, яг л хүмүүс шиг, тэд гэмээ наманчилж, амьдралын хэв маягаа Диваажингийн амьдралын хэв маягтай илүү зохицолтой, илүү нигүүлсэнгүй байхаар өөрчилбөл би тэдэнд тусалж чадна. (Өө.) Гэвч тэд хүсэхгүй бол би хүчилж чадахгүй. (За, Багш аа.) Зарим хүмүүс, зарим амьтад, төрөлтнүүд адилхан байдаг.
( Номын эгч дараагийн асуултыг асууна, Багш аа. ) ( Багш аа, хамгийн сүүлд хийсэн конференцоор ) За. ( Та тодорхой зарим хүмүүсийг үймүүлдэг чөтгөрүүдийг хэрхэн хүлсэн тухай дурдсан. Ихос Кү-гийн Бурхад тэгэх боломжгүй байсан ба Дөрөвдүгээр Түвшний Эзэнд тэднийг бүгдийг нь нэгэн зэрэг Дөрөвдүгээр Түвшинд аваачих хангалттай үнэ цэнэ байгаагүй гэсэн. Дөрөвдүгээр Түвшний Эзэн тэднийг аваад явсан бол яах вэ? Юу болох байсан бэ? )
Өө, нэгдүгээрт, Тэр магадгүй Дөрөвдүгээр Түвшний Бурхан байх боломжгүй болох байсан. (Өө.) Түүнд тэднийг дээш нь аваад явах хангалттай үнэ-цэнийн хүч байгаагүй учраас Тэр дээш нь авч явж чадаагүй. За юу? (Ойлголоо.) Зөвхөн Ихос Кү-н Бурхадтай ч биш, Түүнтэй ч бас хамтрах ёстой. Томоохон хамтрал байх ёстой. Ойлгов уу? (За, Багш аа.) Хэрэв Бурханд хангалттай үнэ цэнэ байхгүй бол үүнийг хийж чадахгүй. (Ойлголоо.) Хийлээ ч, магадгүй чөтгөрүүд эзэлнэ. (Өө, хөөх.) Ингэснээр энэ нь Дөрөвдүгээр Түвшин байхаа больж, эргээд чөтгөрийн ертөнц болно. (Өө.)
Инээдтэй түүх, та нарт хэлье. Учир нь хүмүүсийг муу зүйл түлхэн хийлгэж, дэргэд нь байдаг сүнснүүдийг Ихос Кү барьж чадахгүй. Тэд тэднийг очоод авч чадахгүй. Тиймээс би явж хийх ёстой болсон. Тэгээд би тэднийг бүгдийг нь хамтад нь холбож хүлээд буцаагаад чирээд явсан. Дараа нь энэ талаар мартчихсан. Тэднийг тэр чигт нь мартчихсан. Дэндүү завгүй. Ойлгож байна уу? (Тийм, Багш аа.) Та нар намайг ямар завгүй байдгийг төсөөлөхгүй. Үнэхээр төсөөлөхгүй. Миний дэргэд 24-7 амьдарвал та нар, “Багш аа Та юугаар хийгдсэн юм бэ? Зүгээр үү, Багш аа?” гэж асууна.
Ямартай ч үнэхээр надад бараг зав гардаггүй. Тэгээд бие маань жаахан өвдөж, эм асуухад хэн нэгэн авчирч өгсөн. Миний энд биш л дээ, өөр газар. Тэгээд өөр нэгэн авчраад тэнд хаа нэгтэй өлгөсөн. Дараа нь би явж авсан. Холоос. Ойлгож байна уу? (Тийм. Тийм, Багш аа.) Миний байшингаас нэлээд зайтай. Их хол, гаднаа том хаалгатай. Гэтэл бас би уухаа мартчихсан. Заримдаа уудаг ч, заримдаа уухаа мартдаг болохоор өвчин үнэндээ арилдаггүй, тиймээс би, “За хамаагүй, мартъя” гэж бодсон. Тэгээд энэ талаар бүрэн мартсан байсан.
Тэгтэл нэг өдөр өөрийнхөө энергийн талбараасаа гадагш хартал тэднийг бүгдийг нь сөгдчихсөн, толгойгоо гудайлгаад сөгдчихсөн, гар нь хүлээтэй байхыг харсан. Материаллаг үзэгдэл биш л дээ, гэхдээ тэгж харагдсан. За юу? (За, Багш аа.) Цагдаад гавлуулсан гэмт хэрэгтэн шиг гэж төсөөлөөрэй. Гаваар гавлачихсан. (За, Багш аа.) Дээрээс нь хөл нь бас гинжтэй учраас тэд зогсож ч чадахгүй, тиймээс тэд бараг л өвдөглөж байсан, өвдөглөж, толгой нь шалан дээр. За юу? (За.) Толгойгоороо доошоо харсан гэх мэт. Бараг л гар хөлийг нь хамтад нь гинжилчихсэн болохоор тэд эгцхэн өвдөглөж ч чадахааргүй байсан. Ойлгож байна уу? (Тийм, Багш аа.) Бараг л шаланд хүртэл бөхийчихсөн, гал хөл нь хамтдаа, толгой нь бараг л өвдгөндөө хүрчихсэн байсан. Төсөөлж байна уу? (Тийм.) Би мартчихсан байтал, нэг өдөр, гурав дөрвөн өдрийн дараа гадагш харсан. Би, “Айн? Энэ юу вэ?” гэсэн. Учир нь би Бурхдад... Ихос Кү-гийн Бурхдад, миний эргэн тойрны Хамгаалагчдад тэднийг тамд аваач гэж хэлсэн байсан юм. Эсвэл уучлагдсан хэн ч, Диваажин руу явна, бага зэрэглэлийн Диваажин руу явна. Би хамгийн сүүлийн боломж гэж хэлсэн ба, гэмээ наманчилсан нь явна.
Ерөнхийдөө бол би дараа нь огт өршөөл үзүүлдэггүй, энэ нь хэдийнээ дөрвөн сар байсан санагдаж байна. Гэвч тэднийг үнэхээр их өрөвдсөн учраас, “За, за. Зарим нь Дөрөвдүгээр Түвшин рүү яваг, харин зарим нь гэмшээгүй учраас там руу явж болно. Тиймээс хагас нь Диваажин руу, хагас нь там руу явах ёстой. Тэд яагаад энд байсаар байна вэ?” гэж асуухад, Бурхад, “Бид явж чадахгүй.” гэсэн. Би, “Зүгээр л тэднийг тусгаарла. Тэднийг тусгаарлаарай. Тэгээд заримыг нь Диваажин руу, заримыг нь там руу аваад яв.” гэж хэлсэн. Тэд тэгж чадахгүй гэсэн. Би, “Яагаад? Юу болоо вэ?” гэхэд Тэд, “Та тэднийг хүлчихсэн.” гэсэн. Би, “Тийм, гэхдээ Та нар тэднийг салгаад авч явж чадна, тийм үү?” гэхэд Тэд, “Үгүй. Чадахгүй. (Хөөх.) Та энэ нийлүүлсэн хүлээсийг устгах жаахан энерги цацруулахгүй бол бид чадахгүй.” гэсэн. Би, “Өө Бурхан минь! (Хөөх.) Та нар миний эргэн тойронд яах гэж байгаа юм?” гэж хэлээд, “За. За. За. Тэгвэл одоо болно. Хийгээрэй.” гэж хэлсэн. Тэгээд би өөрөө хүлээсийг нь тайлах ёстой болсон. Энэ хөгжилтэй биш ч, инээдтэй харагдсан. Тэд бүгд доошоо тэгээд тонгойчихсон байсан. Энэ нь жаахан гунигтай наргиа л даа. (За.) Тийм байдалтаа харснаа хэрхэн тайлбарлахаа мэдэхгүй байна. Би бүр энэ талаар мартчихсан байсан. Олон өдөр мартсан. Хэчнээн өдөр болсныг мэдэхгүй, багадаа дөрвөн өдөр юм уу, нэг долоо хоносон байх. Тэгээд үнэхээр их өрөвдсөн. Тэд өлссөн байсан ба ядаж л тамд тэд өөрсдийнхөө хоол энэ тэрийг идэх боломжтой. Тиймээс ингэж л Тэд тэднийг там Диваажинд хүргэх гэж хэдэн өдөр болсон юм. Тэгтэл ахиад хэд үлдчихсэн байсан. Би. “Одоо яасан бэ? Яагаад тэд бүгд яваагүй байна?” гэхэд Ихос Кү надад... Би бас мартчихаж. Завгүй байж байгаад мартсан байна. Ихос Кү надад, “Дөрөвдүгээр Түвшний Эзэн тэднийг зохицуулах хангалттай үнэ цэнгүй болсон” гэж хэлсэн. Би, “Юу? Бурхан минь, ямар гээч залуу вэ! Яахаараа хангалттай үнэ цэнгүй болдог билээ.” гэж хэлсэн.
Тэгэхэд Тэд, “Багш аа, саяхан Та олон хүмүүсийг уучилсан ба Амьтад, тамын төрөлтнүүд гэх мэт олон төрөлтнүүд тийш дээш очсон учраас одоо дүүрчихсэн. (Өө.) Хэдийгээр бид сунгаж болох ч, Дөрөвдүгээр Ертөнцийн Эзэнд үнэ цэнэ үлдсэнгүй.” гэсэн. (Хөөх.) Тэгэхэд нь би санасан. Мэдээж, мэдээж үнэ цэнэ хасагдах боломжтой; эсвэл буурах боломжтой; эсвэл нэмэгдэх боломжтой, юу гэдгээсээ хамаарна. Би, “За. За. Бурхан минь! Одоо яах вэ? Би тэднийг уучилсан гэж амласан. Нэн даруй гэмээ наманчилсан хэнийг ч би уучилдаг.” гэсэн. Тэгээд би сайтар бодох ёстой болсон. Дараа нь би “За. Би өөр “орон зай” бий болгоё, зарим хүмүүсийг байлгах өөр нэг жижиг ертөнц бий болгоё.” гэж хэлсэн. Тэгээд би “За. Энэ нь Диваажин биш ч, бас там биш. Шийтгэлтэй там биш. Тэнд та нар хоол унд, бүх зүйлстэй байх болно. Бид үүнийг засах хүртэл тэнд байгаарай, за юу?” гэж хэлсэн. Дөрөвдүгээр Ертөнцийн Эзэн үнэ цэнээ эргүүлэн олж авах хүртэл. Учир нь би Түүнд жаахныг өгч болох ч Тэр бүгдийг нь шингээж чадахгүй. Ойлгож байна уу? Энэ нь яг л витамин шиг, бүтэн шилийг уучхаад шууд хүчтэй болдоггүй. Тийм биш. Аажмаар уух ёстой. (Тийм, Багш аа.)
Эсвэл өнөөдөр илгээсэн (веган) бялууг та нар нэг дор бүгдийг нь залгиж чадахгүй, үгүй биз? (Үгүй.) Тиймээс маргааш идэх жаахан үлдсэн. Тийм үү? (Тийм, Багш аа.) Сайн байна. Учир нь хэт их идвэл гэдсийг хямраана. (За.) Хэт их чихэрлэг зүйлс идвэл толгойг тань өвтгөж мэднэ. (Тийм.) Тэгвэл нэн даруй ус уух шаардлагатай. (За, Багш аа.) Цай юм уу кофе ууж, дараа нь сахрыг нь шингэрүүлэх гэж бас ус уугаарай, за юу? (За.) Би хэн нэгнээр дамжуулж гал тогоонд тань энэ кремийг нь сахаргүй хийгээрэй гэж хэлсэн учир нь аяган бялуу их чихэрлэг байдаг. Хэт чихэрлэг байвал тийм ч сайхан амтагддаггүй. Үүнтэй хослуулах ёстой. Тэгвэл зүгээр үү? (Тийм, Багш аа. Баярлалаа.) (Үүн дотор сахар байгаагүйг би анзаараагүй юм байна, Багш аа. Крем-нд нь байгаа л гэж бодсон.) Үгүй. Учир нь үүнийг жимстэй бялуутай хольдог. Тэгснээрээ тэнцвэрждэг юм. (За.) Крем байхгүй бол хэт чихэрлэг болно. Гэхдээ би бусад ах, эгч нарт тэднийг зүгээр л аз тохиохыг хүлээх хэрэгтэй гэж хэлж чадахгүй. Тэнд крем хэрхэн хийхийг мэддэг эсэхийг би мэдэхгүй. Тиймээс хамаагүй, тэд их эсвэл бага идэж болно. Гэвч тэд бас та нартай адилхныг авсан, гэхдээ та нараас арай олон аяган бялуу авсан. Уучлаарай. Өмнөх удаад тэд аваагүй. Ойлгож байна уу? (Тийм, Багш аа) За. Сайн байна. Ингээд боллоо, та нарт хэдийн хэлчихсэн. Өөр асуулт байна уу?
( Тийм, Багш аа. Яагаад чөтгөрүүдийн тал нь л нүглээ наманчилж, бусад нь наманчлаагүй юм бэ? )
Өө, яг л хүмүүстэй адилхан. (Өө.) Зарим нь гэгээрсэн байх боломжтой, зарим нь боломжгүй. (За.) Тийм учраас тэд Есүсийг хороосон. Тийм үү? (Аан.) Тийм учраас Эзэн хүмүүсийн төлөө өөрийгөө хэрхэн золиосолсныг санах гэж бид Зул сар тэмдэглэдэг. Учир нь тэдний ихэнх нь Түүнийг сонсдоггүй. Бүр Түүнийг хороосон. (Тийм.) Бусад олон Зөнч нарыг мөн адил. Тэд манай дэлхийд ирээд бидэнд бүх сайн зүйлсийг зааж, сүнсийг тань гэтэлгэхийг хичээсэн байтал бид эргэж хараад Тэднийг хороох юм уу Тэднээс урвасан. Манай бүлэгт тэдний зарим нь бий. (Хөөх.) Саяхан хүртэл нэг шинэ авшигтан ирсэн. Тийм байдаг. Төрлөөс төрөлд Их Багш хэзээ ч сайхан амьдардаггүй. Хэзээ ч бүтэн сайн аж төрдөггүй. Тиймээс надаас чөтгөрүүдийн талаар бүү асуу. (За, Багш аа.) Тэд бол чөтгөрүүд. Зарим нь өөрчлөгдөж, гэмээ наманчилсан нь гайхмаар зүйл. (За.) Өөрчлөгддөггүй, гэмээ наманчилдаггүй олон хүнтэй харьцуулахад тэд наманчилсан. (За.) Бүр намайг гэмтээхийг хүссэн. За юу? (За, Багш аа.) Би бие махбодын аюулгүй байдалдаа үнэхээр санаа зовдогтоо гол нь биш, харин надад ажиллах шаардлага байсаар байна. Би ахиад жаахан тэсэх хэрэгтэй. Аль чадахаараа удаан. Учир нь надад энэ гараг дээр хүмүүсийг, бусад төрөлтнүүдийг орхих сэтгэл алга. За хайраа, өөр асуултууд байна уу? (Баярлалаа, Багш аа.)
( Багш аа, нядалгааны газраас ирсэн бүх сүнснүүд гэтэлгэгдэж байгаа тухай асуулт. Яагаад КОВИД-19-ийн өмнөх болон тархах үеийн сүнснүүд гэтэлгэгдэхгүй байгаа юм бэ? )
Үгүй, би КОВИД-19-н үеийнх гэтэлгэгдээгүй гэж хэлээгүй; тэд хүсээгүй юм. (Өө.) Тийм. Хэн ч хүсэж байсан, яг л хүмүүс шиг, тэд гэмээ наманчилж, амьдралын хэв маягаа Диваажингийн амьдралын хэв маягтай илүү зохицолтой, илүү нигүүлсэнгүй байхаар өөрчилбөл би тэдэнд тусалж чадна. (Өө.) Гэвч тэд хүсэхгүй бол би хүчилж чадахгүй. (За, Багш аа.) Зарим хүмүүс, зарим амьтад, төрөлтнүүд адилхан байдаг. Зарим нь илүү хордчихсон, зарим нь бага хордсон байдаг. Бага хордсон болон урд төрлийн жаахан буянтай төрөлтнүүдтэй ярилцахад илүү амар байдаг. Зарим нь боломжгүй. (За, Багш аа) Зөвхөн цар тахлын үеийн эсвэл өмнөх нь ч биш, дараах нь ч мөн адил. (Аан. За.) Тийм учраас төрлөөс төрөлд Их Багш тэдэнд туслах гэж гарагт туслах гэж бууж ирдэг. Үгүй бол бүх гаргууд хэдийнээ Диваажин болчих байсан. Тэгсэн бол надад ийш бууж ирэх шаардлага байхгүй. (За, Багш аа.) Эсвэл Есүс бууж ирээд бүх сүнснүүдийг хэдийнээ гэтэлгэчих байсан. Бидэнд энд байх шаардлага байхгүй. Ойлгов уу? (Тийм, Багш аа.) Зарим нь зөрүүд, яг л чөтгөрүүд шиг. Чөтгөрүүдийн талаарх таны өмнөх асуулт, адилхан. За юу? (За, Багш аа.) Зарим нь бодол оюун нь хэт их хордчихсон байдаг. Тэд өөрчилж чадахгүй.
Юу гээч, (За Багш аа.) Иудас Есүсээс урвасан. Мөн Томас Есүсийг дахин амилсан эсэхэд эргэлздэг. (Тийм.) Мөн Девадатта, Буддагийн үеэл Буддатай хамт өссөн. Гэвч бага байхаасаа үргэлж Түүнтэй өрсөлддөг байсан. Тэгээд аль аль нь том болж, Буддаг хэдийнээ дэлхий дагаж, Түүнд итгэдэг болсон байхад Девадатта аль чадахаараа Түүнтэй өрсөлдөхийг хичээсээр байдаг. Ойлгож байна уу? (Тийм, Багш аа.) Будда түүнийг адисалж, анагаахад, тэр Буддаг эмч болохыг хүсэж байна гэж хүртэл хэлдэг. Тэр хангалттай нэр алдартай байгаагүй мэт, одоо бүр эмч болохыг хүсэж л дээ. Ойлгож байна уу? (Тийм, Багш аа.) Будда гараа уртаа сунгаж, түүнийг анагаахыг хүсдэг. Тэр баярлалаа гэж хэлээгүйгээс гадна, үүнийг нь мушгиж, гажуудуулж, Буддаг эмч болж нэр алдар олохыг хүсэж байна гэж хэлдэг. Бурхан минь. Үеэл нь хүртэл, нэг овогтой, нэг цусан төрөл шүү дээ. (Тийм.) (Тийм, Багш аа.) Бараг л адилхан цусан төрөл, нэг овог, магадгүй, ДНХ нь их төстэй байх. (Тийм, Багш аа. Тийм.) Гэтэл Буддатай төстэй юу ч байгаагүй. Буддатай төстэй юу ч байгаагүй. Яг эсрэгээрээ. За. Хариулт маань таалагдав уу? (Тийм, Багш аа.) За.
