Дэлгэрэнгүй
Татаж авах Docx
Дэлгэрэнгүй уншаарай
(Багш аа, Таны авшиг хүртээсэн хүмүүс бясалгалаа хийхгүй бол тэдэнд урт хугацаандаа юу болох бол? Ялгаагүй л гэтлэгдэх үү?) Хэн? (Авшиг хүртсэн ч унасан хүмүүс, бясалгалаа хийхээ больсон авшигтнууд.)Тэд эргэж ирж хийх ёстой зүйлээ хийх учиртай. (Гэрийн даалгавраа хийх ёстой.) Гэрийн даалгавраа хийх хэрэгтэй, тэд сонгосон. За юу? Харин тэдний хувьд амьдралынх нь эцсийн мөч ирсэн бол, үйлийн үрдээ хэт нүдүүлж, төрөл бүрийн үйлийн үр ирснээр тэд бодол сэтгэлээ өөрчилж, дотоод Их Багшаасаа тусламж гуйн залбирч, мөн эргээд сүнслэг хэмнэлдээ орвол, эсвэл амьдралынхаа эцсийн мөчид тэд үнэхээр 100% нэг сэтгэлээр, чин сэтгэлээсээ өөрсдийгөө гэтэлгэхийг хүсвэл Их Багш ирээд тэднийг аваад явдаг. Үгүй бол ингэж унадаг хүмүүс ихэвчлэн нийгмийн уруу таталтад орж буцаад хуучин дадалдаа унаж, урьдынхаасаа илүү хүнд үйлийн үр тарьдаг. Тэр тохиолдолд тэд Их Багшийг ч санах сөхөөгүй байдаг, ямар ч залбирал энэ тэрийг санадаггүй. Тэгэхээр хэрэв тэд хүсэхгүй бол туслахад маш хэцүү. Ялангуяа өөрийгөө зовлонгийн далайд унагая гэвэл та нарын сонголт. Ойлгож байна уу?Их Багшид хүмүүсийг гэтэлгэх үүрэг бий ч, хүмүүст бас чөлөөт сонголт бий. Үүнд хэзээ ч хөндлөнгөөс оролцох ёсгүй. Хүмүүсийн чөлөөт сонголтод Бурхан ч хөндлөнгөөс оролцдоггүй. Чөлөөт сонголт л бидэнд маш их төвөг уддаг. Тиймээс хэрэв бид чөлөөт сонголтоо хянахгүй бол байнга асуудалд орж, харин (зөвхөн) Их Багш хөндлөнгөөс харж байдаг. (За.) Тийм. Чөлөөт сонголт бол хүмүүсийн хувьд хамгийн хүндтэй бэлэг, хамгийн дээд давуу эрх. Үүнд хэн ч хөндлөнгөөс оролцох эрхгүй. Бид учирлаж, “Сонсооч, та эргээд ир. Танд сайн.” гэж хэлж болно. Гэвч тэр унахыг сонговол зүгээр орхихоос аргагүй. Ойлгож байна уу? Тэгээд дараа нь тэд үнэхээр залхах хүртлээ нэг хоёр удаа эргээд ирж болно. Тэгээд үнэхээр Гэртээ харихыг хүсвэл өөр Их Багш ирэх болно. Адилхан нэг л Хүч, өөр Хувцас, ингээд тэр аврагдах болно.Үүнд санаа зоволтгүй. Тэр хүмүүс хэзээ ч холбоо тасрахгүй. Санаа зоволтгүй. Тэд хэзээ ч Их Багшаас үнэхээр төөрдөггүй. Тэд үргэлж тэднийг харж байдаг. Зүгээр л тэднийг хэсэг хэсүүчлэг гээд орхидог. Хэрэв тэд үнэхээр чадахгүй бол хүчилж яах вэ? Их Багш ямартай ч мэдэж байдаг. Тэд хаашаа ч зугтаалаа гээд, ертөнц даяар хаачих вэ – тэгэхээр Их Багш [тэднийг] харж ханддаг. Тиймээс зугтаах боломжгүй. Яг л нохой-хүмүүс заримдаа эзнээсээ зугтаадаг ч, урт уяатай байдаг учраас өөрийгөө сул байна гэж бодоод тойрон давхидаг.
