“Шударга хичээл зүтгэл, Их Багшийн Ивээл, Бурханы Өршөөлөөр дээд Түвшинд хүрдэг” 19 цуврал лекцийн 11-р хэгсийг

Эгэл даруухнаар, чин сэтгэлээсээ бясалган дадуул. Өөрийн тань дайсан болох эго-ноос, амбицтай эго, нэр алдар, ашиг хонжоонд шунах шуналаас өөрийгөө хамгаалахын тулд Бурханыг, бүхий л Их Багш нарыг магт. Эго, шунал бол хамгийн том дайсан тань, чөтгөрөөс ч дор, ад зэтгэрээс ч дор, энэ гараг эсвэл өөр хаана ч байдаг ямар ч төрөлтнөөс дор юм. Учир нь чөтгөрүүд байлаа гээд, хэрэв та ариун буянтай, сүнслэг дадал бясалгалдаа тууштай, зүрх сэтгэлдээ ариун, Бурханыг хайрладаг, Их Багш нарыг хайрладаг бол, бусад олон Их Багш нарыг хайрладаг бол ямар ч чөтгөр танд ойртож чадахгүй, гэмтээх талаар бүр ярилтгүй. Ямар ч ад зэтгэр ойртож чадахгүй. Тэд олон арван бээрийн цаана байх ёстой. Гэвч хэрэв та шуналтай, амбицтай, хуурамч дүр эсгэж хуурамч төсөөлөл маягаар нэр алдар, эд хөрөнгөө хурааж байвал тэгээд л дуусаа. Тэгвэл чөтгөрүүд дэргэдээс тань салахгүй эго-г тань төрөл бүрийн уран зөгнөлөөр тэжээж, магадгүй жаахан шидийн хүч харуулж, өөрийгөө хэн нэгэн гэж бодоход хүргэнэ. Үгүй, үгүй, үгүй. Энэ бол Будда биш.

Будда шидийн хүч ашиглаагүй, хэдэн шавь нартайгаа уулзах зайлшгүй шаардлагыг эс тооцвол ашигладаггүй байсан. Будда Өөрийн хүрээлэл дунд байхдаа нисдэг байсан бөгөөд Түүнийг урьсан сүсэгтнээс бусад өөр хэн ч харах боломжгүй байв. Гайхуулах гэж нисдэг байгаагүй. Үүнийг Тэр өмнө нь сурсан байсан, эсвэл зарим хүч нь аяндаа ирсэн. Та нарт хэлсэн дээ. Хүмүүсээр алга ташуулж, Браво гэж хэлүүлэх гэж, эсвэл илүү хоол өргөл бариулж идэх гэсэндээ тэгдэггүй байв.

Будда бүхнийг зөв, зүй зохистой, зөв цагт нь, зөв мөчид л хийдэг байсан. Өөр юмс бас хийдэг байв, жишээ нь шоронд орсон шавиа тайтгаруулах гэж хувилгаан дүрээрээ очиж байлаа. Хатан Хаан Вайдэхи өмнө нь шоронд хоригдож байхдаа Буддатай уулзахыг хүссэн ч уулзаж чадахгүй байсан учраас Будда залбирдаг. Улмаар Будда гэрлэн биеэрээ, хувилгаан дүрээр Түүний өмнө гарч ирдэг, - махан бие нь биш ч яг л махан биетэйгээ адилхан. Заримдаа энэ биед нь бүр хүрэх боломжтой. Гар барих боломжтой эсвэл бүр яг л махан биетэй мэтээр Их Багш тэвэрдэг. Хувилгаан биеэрээ тэвэрдэг.

Будда хувилгаан дүрээрээ мэдээж хэний ч орох боломжгүй шоронд очсон. Хатуу шорон, хэнийг ч дотогш нь оруулдаггүй. Будда тэнд урт хугацааны турш байж, Түүнд Амитаба Буддагийн Аргыг зааж өгч, тэнд нь Түүнийг Амитаба Буддагийн Оронд төвлөрүүлэн бясалгуулсан бөгөөд ингэснээрээ Тэрээр дараа тэнд төрөх боломжтой юм. Гэвч Тэр яг таг хэрэгжүүлэх ёстой байв. Амитаба Буддагийн Орон ямар харагддагийг Будда нарийн тайлбарлан өгсөн бөгөөд Хатан хаан тэр бүхнийг цээжилж, санаж байх ёстой байлаа. Өдөр бүр нэг бүрчлэн нарийвчлан бодож, Амитаба Буддагийн нэрийг уншдаг байв. Зөвхөн Буддагийн Нэрийг уншдаггүй. Будда Түүнд үнэхээрийн дэлгэрэнгүй зааж өгч, Амитаба Буддагийн Орны дүр төрхийг үргэлж санаж байх ёстой гэж гэж захидаг . Тэгж л Хатан Хаан тэнд төрөх боломжтой болсон юм.

Энэ бол тийм амар зүйл биш. Амитаба Буддагийн Орны цэцэгс нь ямар харагддагийг, рашаант нуурын ус нь ямар гэдгийг, шувууд нь хэрхэн жиргэдгийг, ямар хөг эгшиг, ямар аяар дуугардгийг нарийвчлан нэг бүрчлэн санах тийм төвлөрөлтэй байх тийм амар биш. Тэгэхээр шавьдаа тусламж хэрэгтэй үед нь туслах гэж хувилгаан бие нь ийн очсон ч Тэрээр шид энэ тэр ашиглаагүй. Энэ бол аяндаа л болсон зүйл. Будда-д шавь нартаа туслах маш олон төрлийн хүч бий.

Ихэвчлэн шавь нар нь юм уу, хамааралтай хүмүүс нь л хардаг юм. Гэвч заримдаа гаднын бусад хүмүүс харах боломжтой. Жишээ нь гэр бүлд ээж нь хардаггүй ч авшиг хүртээгүй хүүхэд нь Их Багшийг гэрт нь ирээд энэ тэр зүйлсийг хийхийг олж харсан байдаг. Эсвэл авшиг хүртээгүй энгийн хүн, гэр бүлийн гишүүн нь юм уу найз нь ирээд Их Багшийг гэрт нь юмс хийж, адисалж байхыг харсан байдаг. Тийм зүйл болох боломжтой ч, дандаа тэгэхгүй.

Ихэвчлэн Будда зөвхөн шаардлагатай үед л гарч ирдэг. Эсвэл дандаа – дандаа тийм байв ч хүн бүр харж чаддаггүй. Миний чуулганд хүртэл жишээ нь, бүх шавь нар байхад цөөн хэд нь л Будда нарыг ирж буцаж байгааг олж харсан байдаг. Эсвэл бусад зарим гайхамшгийг, чуулганд болж буй Их Багшийн гайхамшгийг, хэн хэнийг адисалж байгааг харсан байдаг. Бусад нь юу ч хардаггүй, юу ч ухаардаггүй. Цөөн хэдэн шавь нар л тэр үед харсан байдаг. Хэдэн тийм гэрч бий. Их олон л доо, заримдаа тэд бичдэггүй. Уг нь бол би тэдэнд бичээд хэрэггүй гэдэг ч заримдаа тэд бичихгүй байж чаддаггүй. Бусадтай хуваалцаж, бясалгал дадлаа үргэлжлүүлэх урам өгөхийг хүсдэг.

Нэг удаа хэдэн шавь нар маань хаа нэгтээ бясалгахаар явахад, Төвөдийн олон лам нар араас нь дагаж, гүйж ирээд тэднээс, “Та нар хаанаас ирсэн юм бэ? Юу хийж байгаа юм? Та нарын байгаа газарт яагаад ийм олон Будда нар ирнэ вэ? Яагаад ийм их Гэрэлтэй байна вэ?” гэх мэт зүйл асуусан байсан. Төвөдийн зарим лам нар манай шавь нараас тэгж асуусан байсан. Нэг шавь маань тэгж хэлж байсныг санаж байна. Хэзээ хаана гэдгийг санахгүй байгаа ч – саяхан, магадгүй Шинэ Газар Ашрамд билүү тэгж хэлж байсан.

Гэхдээ зөвхөн тэнд ч биш. Өнгөрсөн жилүүдэд тэд байнга л надад ганцаарчлан юмс хэлж надаас, “Энэ ямар төвшин бэ?” гэж асуудаг. Учир нь нэг төвшин их олон үзэмжтэй. Яг л газрын тогтоц, дурсгалт газартай адил бөгөөд үүгээрээ хаана байгаагаа мэдэх боломжтой. Яг л Амитаба Буддагийн Оронд оччихоод эргэж ирээд Амитаба Буддагийн судрыг уншиж харьцуулчхаад, “Өө, би Амитаба Буддагийн Оронд очсон юм байна. Энэ бол баттай” гэж хэлсэн шавьтай адил. Энэ нь хий хоосон зүйл биш. Учир нь тэр энэ тухай дотоод ахуй ойлголтоороо харсан ч үүнээсээ гарч ирээд энэ нь ямар газар байсан талаар жаахан эргэлзээ төрсөн байдаг. Нэг бол тэд надаас асуух юм уу, намайг байхгүй бол яваад, судраас “асуудаг”. Эсвэл Буддаг тайлбарлахыг хүснэ.

Ямартай ч бид аль нь хий хуурмаг, аль нь жинхэнэ гэдгийг мэднэ. Авшиг уламжлах үеэр бас та нарт заасан. Дотоод дахь жинхэнэ Их Багшийг болон хий хуурмагийг бүтээж, та нарыг хууран мэхэлдэг маяа хоёрыг хэрхэн ялгаж танихыг заасан. Та нар бүгд мэднэ. Зарим шавь гэгдэгч нар бол шавь биш. Чөтгөрүүд, гэмээ наманчилдаггүй. Зүгээр л орж ирчхээд хайр, нинжин сэтгэлийг минь ашиглаж, миний Хүчийг авч хүмүүсийг хууран мөнгө, нэр алдартай болж, сүсэг бишрэлтэй, гэмгүй бусдыг хүчирхийлэхийг хүсдэг. Жишээ нь тэд тэдэнтэй хамт лам юм уу гэлэнмаа болчхоод тэднийг хүчирхийлдэг, гэх мэт. Та нар мэдэж байгаа. Гаднах хүмүүсийн зарим нэг дэлгэсэн баримтууд бий, манай бүлгийн бус Буддын гэлэнмаа нарын баримтууд. Үүний төлөө бас тэд намайг буруутгасан. Хэдэн 7 хоногийн өмнө болтол би энэ тухай юу ч мэддэггүй байв. Бурхан минь. Бурхан мэдэж байгаа. Аймшигтай, аймшигтай. Бурхан минь, аймшигтай. Энэ бүх гэмгүй хүмүүсийг би үнэхээр их өрөвдөж байна.

Гэвч тэд миний тухай мэднэ. Намайг түүний Их Багш гэдгийг мэдэж байсан юм бол яагаад над дээр ирээгүй юм бэ? Тэд бас анкет өгч болох байсан. Нэрээ бичихэд бид тэдний хаана байгааг мэдэж, улмаар би лам нараа тэдэн рүү илгээх боломжтой. Над дээр ирэх ч шаардлагагүй. Тэдний төлөө бид мөнгө зарцуулдаг. Тэд надад мөнгө төлөх хэрэггүй, миний нислэгийн зардлыг ч төлөх шаардлагагүй. Зарим нь төлж дийлнэ. Тэд хүсвэл өөрсдийн сонголтоороо над дээр ирээд уулзаж болно.

Мөн авшгийн өмнө би лам гэлэнмаа нарыг хэдийнээ хаана очихыг томилсон байдаг. Жишээ нь хэн нь ямар өдөр Ау Лак (Вьетнам) явахыг, хэн нь ямар өдөр Тайланд явахыг, хэн нь хэдний өдөр Монгол явахыг, хэн нь Америк эсвэл Европ явахыг томилсон байдаг. Бид бүгд мэдэж байдаг. Тэд надад авшиг хүртэхийг хүссэн хүмүүсийн нэрсийг өгнө. Тэгээд би зөвшөөрөл өгдөг. Ихэвчлэн би зөвшөөрдөг юм. Ховор тохиолдолд татгалзана - магадгүй хэдэн л удаа татгалзсан байх. Өдийг хүртэл, насан туршдаа хэдхэн хүнд л татгалзсан. Уг нь бол би бүгдийг нь зөвшөөрдөг. Тэгээд тэд тодорхой өдөр очоод тухайн бүлэгт авшиг хүртээнэ. Тэднээс ямар ч зардал гарахгүй. Хэрэв манай лам нар гэрт нь очиж хэсэг хугацаанд байрлавал би бүх зардлыг нь төлдөг. Байр, хоол, унаа, онгоцны тийз, эсвэл ямар ч унааны зардал байна би төлдөг. Би хэзээ ч ямар ч шавиасаа юу ч авдаггүй, авшгийн өмнө ч, дараа нь ч, үхсэн ч бай, амьд ч бай юу ч авдаггүй. Хүүхэд байхаасаа л би хэнээс ч мөнгө авахыг хүсдэггүй байсан.

Photo Caption: Бид Шинэ ч Гэлээ Нэгнээ Найзууд Шиг л Сайн Мэднэ

Зураг татаж авах