Дэлгэрэнгүй
Татаж авах Docx
Дэлгэрэнгүй уншаарай
Өнөөдөр Христийн Эссенийн хүмүүнлэг сургаалаас “Есүс Хуулийг тайлбарласан нь”, “Диваажингаас ирдэг Амьд Ус Есүс”, болон “Жинхэнэ Сүм: БУРХАН-ы Сүнс оршдог Хүмүүний лагшин бие”-ээс түүвэрлэн хүргэх завшаан тохиолоо. Есүс Хуулийг тайлбарласан нь. “Уулнаас уруудах үед Есүсийн шавь нарын нэг Түүнээс асуув. ‘Эзэн Бурхан минь, хэрэв эдгээр сахилуудыг сахихгүй бол Амьдрал руу орох уу?’ Есүс түүнд ийнхүү хариулав: ‘Хууль үсгээр бичигдсэн байхдаа Ариун гэхдээ сүнсэнд илүү төгс байдаг, сүнсгүй бичиг үсэг бол үхмэл, харин сүнс үсгийг амилуулдаг. Иймд хуулийг та нар чин сэтгэлээсээ, хайрын зүрх сэтгэлээр даган мөрд, миний та нарт өгсөн бүх Сахилууд, хууль тус бүр та нарт хашлага, сүнсний тань хамгаалалт болно. Ийнхүү бичигдсэн байдаг: Амь бүү хөнөө, гэхдээ та нарт хэлье, аливаа үзэн ядалт, хормын төдий хөнөөх хүсэл тэднийг хуулийн өмнө буруутан болгоно. Тийм ээ, хэрэв тэд гэм хоргүй төрөлтөнд хор хөнөөл, өвдөлт учруулбал үнэхээр гэмтэй. […] Хулгай бүү хий гэж мөн хэлсэн байдаг, гэхдээ та нарт хэлье, өөрт байгаа зүйлст сэтгэл хангалуун бус байж, бусдын зүйлсийг хүсэж, зүтгэдэг эсвэл ажилтанд шударгаар хүртэх ёстойг нь өгөхгүй байснаар зүрх сэтгэлдээ хэдийнээ хулгай үйлдсэн болно. […] Та нарт дахин хэлье: Хэрэв хэн нэгэн аливаа амьтны биеийг хоол хүнс, таашаал, ашиг хонжоонд зориулан шунаж, эзэмшихийг эрмэлзвэл, түүгээрээ өөрийгөө бузарлаж, миний зарлигуудыг үгүйсгэн, гэм нүгэлтэй болох болно.’ Есүс Ариун Хуулийг үргэлжлүүлэн тайлбарлав, шавь нар нь Түүнийг ихэд шимтэн сонсож Түүний хайр тэднийг бишрүүлэв. […] ‘Хууль хөшөө дурсгал дээр бичигдсэнээс зүрх сэтгэлд тань хадгалагдаг; тэгснээр та нар хийх ёстой зүйлсийн тухайд та нар төгс байж, бусад зүйлсийг хийлгүй бүү орхиорой. Ахин та нарт хэлье, миний та нарт өгсөн Хууль бол ариун, шударга, сайн, түүнийг даган мөрдөх тэд бүгд адислагдсан. Үнэнхүү та нарт хэлье, БУРХАН бол Сүнс сэтгэл, БУРХАН-ыг сүсэглэн бишрэх тэд Нарны доор бүх цагт, газар бүрд зүрх сэтгэлээсээ, үнэнээр шүтэн бишрэх ёстой. Иймээс үгийг минь сонсох, Ариун Хуулийг цэвэр ариунаар мөрдөх хэн ч байсан энэ амьдралдаа болон ирэх ертөнцийн мөнх амьдралдаа баялаг шагнал өвлөн авна’. Диваажингаас ирдэг Амьд Ус Есүс. “Есүс дуугаа өндөрсгөж чанга хашхирав: “Ундаассан хүмүүс ээ, Диваажингаас ирдэг амьд усыг эрж хайгтун, учир нь энэ бол амьдралын ус бөгөөд уусан хүн ахин ундаасаж цангадаггүй. Дотор нь байх бүгдийг угааж цэвэрлэдэг далайн усыг харахдаа дээрээс ирэх ус мөн сүнсэнд тань амьдрал болдгийг мэдэгтүн. Үнэний амьд ус амттай, мөн сэргээх чанартай бөгөөд тэнд зөв шударга хүн Бүрэн Амгаланд умбан цэнгэдэг. БУРХАН-ы нууцлагийг олж мэдэх үед амьдралын усыг болон Эцэг-Эхийн бүтээлүүдэд нуусан байгалийн нууцуудыг олж мэднэ, буй бүхэн Тэдгээрт бий, Тэд буй бүхэнд бий’”. Жинхэнэ Сүм: БУРХАН-ы Сүнс оршдог хүмүүний лагшин бие. “Иерусалимын Сүмийн танхимд чулуу засаж байсан Есүсийн зарим чулуучин шавь нарын дэргэдүүр Есүс өнгөрөн явав. Түүнд тэд хэлэв: ‘Эзэн Бурхан, Их Багш аа, эдгээр сүрлэг барилгуудыг, чулуунууд яаж тавьсныг харна уу...’ Есүс хариулав: ‘Чулууны ажил үнэхээр сүрлэг, сайхан байна, чулуунуудыг сайхан засжээ, гэхдээ та нарт хэлье, чулуун дээр нэг ч чулуу үл үлдэх өдөр ирнэ... Жинхэнэ Сүм бол Жинхэнэ БУРХАН Сүнсээр оршдог хүмүүний лагшин бие юм. Та нарт хэлье, энэ Сүм нурах үед, гурван өдрийн дотор БУРХАН энгийн хүний нүд харж үл чадах сүр жавхлантай сүмийг сүндэрлүүлэх болно. Ариун Сүнсний амьд сүм болохоо та нар мэдэхгүй юу? Эдгээр сүмийн аль нэгийг сүйтгэсэн хэн ч байсан, өөрөө сүйтгэгдэнэ!’ Сүмд мах, цустай зан үйл үйлдэж байсан хэдэн бичээч, фарисей нар Есүсийн үгсийг сонсмогцоо Түүнийг яриандаа татан оруулахыг оролдож ийнхүү хэлэв: ‘Хонь, үхэр, шувуугаар тахил өргөхөөс татгалзвал БУРХАН-д зориулан Соломон энэ сүмийг ямар зорилгоор барьсан байх вэ? Есүс тэдэнд хэлэв: ‘Зөнч нар бичсэн байдаг, байшин минь магтаал, талархлаар тахил өргөх бүх үндэстнүүдийн мөргөлийн байшин гэж нэрлэгдэх болно. Гэтэл та нар Ариун Тахилгыг мэдэхгүй, мэдэхийг ч хүсэхгүй, үүнийг нядалгаа, цус урсадаг байшин, олон хорон муугаар дүүрэн байшин болголоо’”.
