Дэлгэрэнгүй
Татаж авах Docx
Дэлгэрэнгүй уншаарай
Өнөөдрийн мэдээнд, Катарын буяны бүлэг Бангладеш дахь рохинжа дүрвэгсдийн нүдийг үнэгүй эмчилж байна. Судалгаанд Герман улс усны ноцтой хомсдолд орсныг анхаарууллаа; Энэтхэгийн эрдэмтэн өвөрмөц, хямд агаар цэвэршүүлэгч бүтээв; Коста Рикагийн ахин боловсруулах хөтөлбөр 1,600 гаруй тонн хуучин ундааны савыг хэрэгцээт шинэ материал болгож байна; олимпын алтан медальт веган тамирчин 2028 оны наадамд зориулан жин, хүчээ нэмж байна; АНУ-ын веган махны компани уургийн бүтээгдэхүүний нэр төрлөө өргөжүүлэв;цагаан дэглий-хүмүүс Ботсванын намагт газрын эрүүл байдлын шинжийг илтгэдэг. Мод, ургамал, жимс, навч, үрээр дамжин байгалийн хишиг бид бүгдэд хүрдэг. Амьдралыг тэтгэх тэрхүү бэлэгт бид чин сэтгэлээсээ талархдаг. Өнөөдөр би эрүүл мэндээ сайжруулах энгийн зөвлөгөө өгье. Магни нь булчин, мэдрэлийн үйл ажиллагаа, энерги үүсэх, ясны эрүүл байдал, цусан дахь сахарын зохицуулалт зэрэг бие махбодын олон чухал ажиллагааг дэмждэг зайлшгүй шаардлагатай эрдэс юм. Насанд хүрэгчдийн олонх нь хангалттай магни авдаггүй ба өдөрт хэрэглэх зөвлөмжит хэмжээ нь нас, хүйсээс хамааран ойролцоогоор 310- 420 миллиграмм байдаг. Магни багасах нь ядрах, булчин татах, харин илүү хүнд дутагдлын үед зүрхний хэм алдагдахад нөлөөлж болно. Зарим өвчин, эм нь магнийн шимэгдэлтийг бууруулах эсвэл алдагдлыг нэмэгдүүлэх боломжтой тул дутагдлыг нөхөхөд заримдаа эмчийн хяналтаар нэмэлт бэлдмэл хэрэглэх шаардлагатай болдог. Өдөр тутмын хоолондоо навчит ногоо, самар, үр, шош, бүхэл үрийн бүтээгдэхүүн, авокадо, гадил зэрэг магниар баялаг хүнс оруулах нь хэрэгжүүлэхэд хялбар арга юм. Зөвхөн нэг шимт бодис агуулсан нэмэлт бэлдмэлд найдахын оронд эдгээр нийтлэг хүнсийг хэрэглэвэл эрүүл мэндийг хамтран дэмждэг бусад олон шимт бодисыг мөн авна.
