ਪਾਈ ਦਾ ਮਹਾਰਾਜਾ ਰਾਜਾ ਯੇ, ਤਿੰਨ ਹਿਸਿਆਂ ਦਾ ਦੂਸਰਾ ਭਾਗ

ਕੀ ਤੁਸੀਂ ਹਾਲ ਹੀ ਵਿੱਚ ਆਪਣੀ ਬੁੱਧ ਧਰਤੀ 'ਤੇ ਹੋਰ ਰੂਹਾਂ ਨੂੰ ਬਚਾਉਣ ਦੇ ਯੋਗ ਹੋਏ ਹੋ, ਸ਼੍ਰੀਮਾਨ ਜੀ? ਬਸ ਇਹੀ ਕਹੋ, ਪਿਛਲੇ ਸਾਲ ਹੁਣ ਤੱਕ। ਕੀ ਤੁਸੀਂ ਸਾਨੂੰ ਦੱਸ ਸਕਦੇ ਹੋ, ਕਿਰਪਾ ਕਰਕੇ? "ਓਹ, ਬਿਲਕੁਲ, ਬਿਲਕੁਲ, ਅਸੀਂ ਤੁਹਾਨੂੰ ਦੱਸਾਂਗੇ। ਬਸ, ਅਫ਼ਸੋਸ ਦੀ ਗੱਲ ਹੈ ਕਿ, ਸਾਨੂੰ ਇਸ ਸਮੇਂ ਕੋਈ ਨਵੀਂ ਆਤਮਾ ਨਹੀਂ ਮਿਲੀ, ਪਰ ਉਮੀਦ ਹੈ ਕਿ ਹੋਰ ਵੀ ਆਜ਼ਾਦ ਜੀਵ ਹੋਣਗੇ ਜੋ ਸਾਡੇ ਗ੍ਰਹਿ ਵਿੱਚ ਰਹਿਣ ਲਈ ਆਉਣਗੇ - ਸਾਡੇ ਅਧਿਆਤਮਿਕ ਪੱਧਰ 'ਤੇ।

ਸਾਡਾ ਗ੍ਰਹਿ ਹੁਣ ਭੌਤਿਕ ਨਹੀਂ ਰਿਹਾ। ਜਿਸ ਦਿਨ ਤੋਂ ਮੈਂ ਇਸਨੂੰ ਬਣਾਇਆ ਹੈ, ਇਹ ਹੁਣ ਤੱਕ ਪੂਰੀ ਤਰ੍ਹਾਂ ਅਧਿਆਤਮਿਕ ਹੈ। ਅਤੇ ਸਾਡੇ ਕੋਲ ਸ਼ੁੱਧ, ਸਮਰਪਿਤ ਰੂਹਾਂ ਦੀ ਇੱਕ ਆਬਾਦੀ ਦੀ ਗਿਣਤੀ... ਇਹ 60 ਮਿਲੀਅਨ ਅਤੇ 500 ਹਜ਼ਾਰ ਤੋਂ ਵੱਧ ਹੈ। 60,500,000, ਆਦਿ, ਸ਼ੁੱਧ ਆਤਮਾਵਾਂ, ਜੋ ਮੇਰੇ ਇਕ ਬੁੱਧ ਬਣਨ ਦੇ ਦਿਨ ਤੋਂ ਹੀ ਮੇਰਾ ਪਾਲਣ ਕਰਦੀਆਂ ਆਈਆਂ ਹਨ। ਮੈਂ ਭੌਤਿਕ ਪੱਧਰ 'ਤੇ ਬਹੁਤ ਲੰਬੇ ਸਮੇਂ ਤੋਂ ਇੱਕ ਬੁੱਧ ਰਿਹਾ ਹਾਂ। ਇਹੀ ਗਿਣਤੀ ਉਨ੍ਹਾਂ ਲੋਕਾਂ ਦੀ ਸੀ ਜਿਨ੍ਹਾਂ ਨੇ ਮੇਰੀਆਂ ਸਿੱਖਿਆਵਾਂ ਦੀ ਪਾਲਣਾ ਕੀਤੀ ਹੈ ਅਤੇ ਮੇਰੀ ਦੇਖ-ਰੇਖ ਹੇਠ ਆਏ ਹਨ। ਅਤੇ ਮੈਂ ਹੁਣ ਤੱਕ ਉਨ੍ਹਾਂ ਨੂੰ ਇਹ ਸਭ ਕੁਝ ਸਿਖਾ ਰਿਹਾ ਹਾਂ। ਅਤੇ ਇਹਨਾਂ ਵਿੱਚ ਉਨ੍ਹਾਂ ਦੇ ਰਿਸ਼ਤੇਦਾਰ ਅਤੇ ਦੋਸਤ, ਅਜ਼ੀਜ਼ਾਂ, ਅਤੇ ਇੱਥੋਂ ਤੱਕ ਕਿ ਉਨ੍ਹਾਂ ਦੇ ਪਾਲਤੂ ਜਾਨਵਰ-ਲੋਕ ਵੀ ਸ਼ਾਮਲ ਸਨ। ਕਿਉਂਕਿ ਜੋ ਵੀ ਮੇਰੀ ਰੱਖਿਆ ਸ਼ਕਤੀ ਦੇ ਅਧੀਨ ਪਾਲਣਾ ਕਰਦਾ ਹੈ ਅਤੇ ਸਿੱਖਦਾ ਹੈ, ਉਨ੍ਹਾਂ ਦੇ ਰਿਸ਼ਤੇਦਾਰਾਂ ਅਤੇ ਦੋਸਤਾਂ ਅਤੇ ਕਈ ਪੀੜ੍ਹੀਆਂ ਨੂੰ ਵੀ ਸਾਡੇ ਨਾਲ ਆਉਣ ਅਤੇ ਰਹਿਣ ਦਾ ਸਨਮਾਨ ਦਿੱਤਾ ਜਾਂਦਾ ਹੈ। ਇੱਥੋਂ ਤੱਕ ਕਿ ਡੂੰਘੇ ਨਰਕ ਵਿੱਚੋਂ ਵੀ ਉਨ੍ਹਾਂ ਨੂੰ ਬਚਾਇਆ ਜਾਵੇਗਾ ਅਤੇ ਸਾਡੀ ਧਰਤੀ 'ਤੇ ਲਿਆਂਦਾ ਜਾਵੇਗਾ।"

ਵਾਹ, ਵਾਹ, ਵਾਹ। ਵਾਹ। ਸਾਰੇ ਬੁੱਧ ਬ੍ਰਹਿਮੰਡ ਦੇ ਸਭ ਤੋਂ ਮਹਾਨ ਨਾਇਕ ਹਨ। ਮੈਂ ਇਨ੍ਹਾਂ ਖੁਸ਼ਕਿਸਮਤ ਰੂਹਾਂ ਦੀ ਖ਼ਾਤਰ ਤੁਹਾਡੀ ਅਤੇ ਪ੍ਰਮਾਤਮਾ ਦੀ ਕਿਰਪਾ ਦੀ ਬਹੁਤ ਧੰਨਵਾਦੀ ਹਾਂ। ਕਿਰਪਾ ਕਰਕੇ ਉਨ੍ਹਾਂ ਕਮਜ਼ੋਰ, ਮਾਸੂਮ, ਦੁਖੀ ਜੀਵਾਂ ਨੂੰ ਨਾ ਭੁੱਲੋ ਜਿਨ੍ਹਾਂ ਨੇ ਤੁਹਾਡੇ 'ਤੇ ਭਰੋਸਾ ਕੀਤਾ, ਸ਼੍ਰੀਮਾਨ ਜੀ। "ਓਹ ਨਹੀਂ, ਨਹੀਂ। ਅਸੀਂ ਉਨ੍ਹਾਂ ਨੂੰ ਨਹੀਂ ਭੁੱਲਾਂਗੇ। ਅਸੀਂ ਉਨ੍ਹਾਂ ਨੂੰ ਨਹੀਂ ਭੁੱਲਾਂਗੇ। ਅਸੀਂ ਉਨ੍ਹਾਂ ਨੂੰ ਬਚਾਉਣਾ, ਸ਼ੁੱਧ ਕਰਨਾ ਅਤੇ ਆਜ਼ਾਦ ਕਰਨਾ ਜਾਰੀ ਰੱਖਾਂਗੇ, ਸ਼੍ਰੀਮਾਨ ਜੀ।" ਤੁਹਾਡਾ ਧੰਨਵਾਦ। ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ।

ਕੀ ਧਰਤੀ 'ਤੇ ਸਾਡੇ ਕਿਸੇ ਵੀ ਵਿਅਕਤੀ ਨੂੰ ਤੁਹਾਡੇ ਆਸ਼ੀਰਵਾਦ ਹੇਠ ਰਹਿਣ ਅਤੇ ਤੁਹਾਡੇ ਅਧਿਆਤਮਿਕ ਪੱਧਰ 'ਤੇ ਕਿਸੇ ਵੀ ਸਮੇਂ ਇੱਕ ਜੀਵਤ ਨਾਗਰਿਕ ਬਣਨ ਦਾ ਇਕ ਮੌਕਾ ਮਿਲੇਗਾ, ਸ਼੍ਰੀਮਾਨ ਜੀ? "ਓਹ, ਬਿਲਕੁਲ, ਬਿਲਕੁਲ। ਅਸੀਂ ਤੁਹਾਡੇ ਨਾਲ ਜੁੜੇ ਹੋਣ ਕਰਕੇ ਇੱਥੇ ਇਹ ਅਸ਼ੀਰਵਾਦ ਫੈਲਾਉਣ ਲਈ ਆਏ ਹਾਂ ਕਿ ਕੋਈ ਵੀ ਜੋ ਸ਼ੁੱਧ ਰੂਪ ਵਿੱਚ ਇੱਕ ਚੰਗਾ ਜੀਵਨ ਬਤੀਤ ਕਰਦਾ ਹੈ, ਇੱਕ ਸੰਤਮਈ ਜੀਵਨ ਜਿਸ ਵਿੱਚ ਕੋਈ ਕਤਲ ਨਹੀਂ ਹੁੰਦਾ, ਕੋਈ ਚੋਰੀ ਨਹੀਂ ਹੁੰਦੀ, ਆਪਣੇ ਚੰਗੇ ਸ਼ਾਸਨ ਵਾਲੇ ਦੇਸ਼ਾਂ ਅਤੇ ਆਪਣੇ ਪਰਿਵਾਰਾਂ, ਆਪਣੇ ਅਜ਼ੀਜ਼ਾਂ ਪ੍ਰਤੀ ਬੇਵਫ਼ਾਈ ਨਹੀਂ ਹੁੰਦੀ, ਅਤੇ ਇੱਕ ਸੰਤਮਈ ਜੀਵ ਦੀ ਇੱਕ ਸ਼ੁੱਧ ਜੀਵਤ ਉਦਾਹਰਣ ਬਣ ਜਾਂਦੀ ਹੈ - ਜਿਵੇਂ ਕਿ ਉਹ ਕਿਸੇ ਹੋਰ ਜੀਵ ਨੂੰ ਨਹੀਂ ਮਾਰਦੇ, ਕਿਸੇ ਹੋਰ ਜੀਵ ਨੂੰ ਮਾਰਨ ਵਿੱਚ ਹਿੱਸਾ ਨਹੀਂ ਲੈਂਦੇ, ਅਤੇ ਉਨ੍ਹਾਂ ਦਾ ਮਾਸ ਨਹੀਂ ਖਾਂਦੇ, ਅਤੇ ਆਪਣੀਆਂ ਆਤਮਾਵਾਂ ਨੂੰ ਸਵਰਗ ਵਿੱਚ ਆਪਣੇ ਘਰ ਵਾਪਸ ਜਾਣ ਦੇ ਉਦੇਸ਼ ਲਈ ਸਮਰਪਿਤ ਕਰਦੇ ਹਨ, ਜਿਸ ਵਿੱਚ ਅਸੀਂ ਵੀ ਸ਼ਾਮਲ ਹਾਂ, ਸਾਡਾ ਘਰ ਵੀ ਸ਼ਾਮਲ ਹੈ। ਬੁੱਧਾਂ ਦਾ ਹਰੇਕ ਘਰ ਇੱਕ ਵਿਸ਼ਾਲ, ਪਰਉਪਕਾਰੀ ਸਵਰਗ ਦਾ ਇੱਕ ਹਿੱਸਾ ਹੈ, ਜਿਸ ਤੱਕ ਕੋਈ ਵੀ ਪਹੁੰਚ ਸਕਦਾ ਹੈ ਜੇਕਰ ਉਹ ਇਸ ਉਦੇਸ਼ ਲਈ ਪੂਰੀ ਤਰ੍ਹਾਂ ਸਮਰਪਿਤ ਹਨ - ਇੱਥੇ ਅਤੇ ਪਰਲੋਕ ਵਿੱਚ ਇੱਕ ਸ਼ੁੱਧ ਜੀਵਨ ਜਿਉਣ ਲਈ। ਤਾਂ ਸਾਡੀ ਬੁੱਧ ਧਰਤੀ ਵਿੱਚ ਵੀ ਇਹੀ ਹਾਲ ਹੈ - ਜੇਕਰ ਕੋਈ ਇੰਨੀ ਇਮਾਨਦਾਰੀ ਨਾਲ, ਸ਼ੁੱਧਤਾ ਨਾਲ, ਇਸ ਸੰਸਾਰ ਦੀ ਇਸ ਜਕੜਨ-ਵਾਲੀ ਊਰਜਾ ਤੋਂ ਮੁਕਤ ਹੋਣਾ ਚਾਹੁੰਦਾ ਹੈ, ਮੇਰਾ ਨਾਮ ਲੈਣਾ ਚਾਹੁੰਦਾ ਹੈ, ਮੇਰੀ ਧਰਤੀ ਦਾ ਨਾਮ ਯਾਦ ਕਰਨਾ ਚਾਹੁੰਦਾ ਹੈ, ਮੁਕਤੀ ਮੰਗਣਾ ਚਾਹੁੰਦਾ ਹੈ, ਤਾਂ ਅਸੀਂ ਆ ਕੇ ਉਨ੍ਹਾਂ ਨੂੰ ਲੈ ਆਵਾਂਗੇ। ਸਾਨੂੰ ਆਉਣ ਦੀ ਲੋੜ ਨਹੀਂ ਹੈ। ਅਸੀਂ ਉਨ੍ਹਾਂ ਨੂੰ ਆਪਣੀ ਦੁਨੀਆ ਵਿੱਚ ਅਪਣਾਉਣ ਲਈ ਇੱਕ ਖਾਸ ਢੰਗ ਦੀ ਵਰਤੋਂ ਕਰ ਸਕਦੇ ਹਾਂ।"

ਵਾਹ, ਇਹ ਤਾਂ ਬਹੁਤ ਵਧੀਆ ਹੈ, ਇਹ ਤਾਂ ਬਹੁਤ ਵਧੀਆ ਹੈ। ਮੈਨੂੰ ਉਮੀਦ ਹੈ ਕਿ ਇਸ ਦੁਨੀਆਂ ਦੇ ਲੋਕ ਤੁਹਾਡੀ ਸਲਾਹ ਸੁਣਨਗੇ, ਤੁਹਾਡੀ ਉਦਾਰਤਾ ਅਤੇ ਅਸ਼ੀਰਵਾਦ ਨੂੰ ਸਵੀਕਾਰ ਕਰਨਗੇ, ਅਤੇ ਤੁਹਾਡੇ ਨਾਮ ਅਤੇ ਤੁਹਾਡੇ ਗ੍ਰਹਿ ਨੂੰ ਯਾਦ ਰੱਖਣਗੇ, ਜੋ ਕਿ ਬਹੁਤ ਸੁੰਦਰ ਹੈ, ਬਹੁਤ ਸੁੰਦਰ ਹੈ। ਅਸੀਂ ਇਸਨੂੰ ਦੂਰੋਂ ਦੇਖ ਸਕਦੇ ਹਾਂ। ਕ੍ਰਿਸਟਲ ਸਾਫ ਪਾਣੀ, ਰੰਗ-ਬਰੰਗੇ ਪੰਛੀ, ਘਾਹ ਦੇ ਮੈਦਾਨ, ਅਤੇ ਫੁੱਲ ਤੁਹਾਡੀ ਸਾਰੀ ਬਖਸ਼ਿਸ਼ ਦੀ ਰੌਸ਼ਨੀ ਨਾਲ ਚਮਕ ਰਹੇ ਹਨ। ਲੋਕ ਬਹੁਤ ਖੁਸ਼ ਹਨ। ਉਹਨਾਂ ਨੂੰ "ਦੁੱਖ" ਸ਼ਬਦ ਦੀ ਸਪੈਲਿੰਗ ਕਿਵੇਂ ਕਰਨੀ ਹੈ ਇਹ ਨਹੀਂ ਆਉਂਦਾ। ਅਤੇ ਹਰ ਇੱਕ ਦਾ ਆਪਣਾ ਨਿਵਾਸ ਸਥਾਨ ਹੈ। ਉਨ੍ਹਾਂ ਦੇ ਘਰ ਬਿਲਕੁਲ ਮਹਿਲਾਂ ਵਾਂਗ ਹਨ, ਅਤੇ ਇਹ ਸਭ ਸਪੱਸ਼ਟ ਹੈ। ਪਰ ਇਸਦਾ ਮਤਲਬ ਇਹ ਨਹੀਂ ਕਿ ਤੁਹਾਡੇ ਕੋਲ ਨਿੱਜਤਾ ਨਹੀਂ ਹੈ। ਇਹ ਸਭ ਬਹੁਤ ਵਧੀਆ ਹੈ। ਇਸਨੂੰ ਸਮਝਾਉਣਾ ਅਤੇ ਵਰਣਨ ਕਰਨਾ ਵੀ ਔਖਾ ਹੈ। ਤੁਹਾਡੇ ਲੋਕਾਂ ਨੂੰ ਆਪਣੇ ਅਧਿਆਤਮਿਕ ਪੱਧਰ 'ਤੇ ਯਾਤਰਾ ਕਰਨ ਲਈ ਕਿਸੇ ਵਾਹਨ ਦੀ ਵੀ ਲੋੜ ਨਹੀਂ ਹੈ। ਉਹ ਬਸ ਕਿਤੇ ਸੋਚਦੇ ਹਨ ਅਤੇ ਉੱਥੇ ਹੀ ਹੁੰਦੇ ਹਨ, ਜਿਵੇਂ ਤੁਰੰਤ, ਲਗਭਗ ਤੁਰੰਤ। ਖੈਰ, ਇਹ ਤੁਰੰਤ ਹੈ, ਕਿਉਂਕਿ ਤੁਹਾਡੇ ਅਧਿਆਤਮਿਕ ਪੱਧਰ 'ਤੇ ਸਮੇਂ ਅਤੇ ਸਥਾਨ ਦੀ ਕੋਈ ਸੀਮਾ ਨਹੀਂ ਹੈ। ਇਹ ਬ੍ਰਹਿਮੰਡ ਦੀਆਂ ਸਾਰੀਆਂ ਰੂਹਾਂ ਪ੍ਰਤੀ ਇਕ ਈਰਖਾ ਹੈ ਜੋ ਤੁਹਾਡੀ ਬੁੱਧ ਧਰਤੀ 'ਤੇ ਆਉਣ-ਜਾਣ ਲਈ ਸੁਤੰਤਰ ਹਨ। ਕਿਉਂਕਿ ਤੁਹਾਡੀ ਧਰਤੀ ਨੇ ਕਿਸੇ ਨੂੰ ਵੀ ਰੋਕਿਆ ਨਹੀਂ ਹੈ।

ਇਹ ਸਿਰਫ਼ ਉਹੀ ਅਪਵਿੱਤਰਤਾ ਹੈ ਜੋ ਹਰੇਕ ਜੀਵ ਕਿਸੇ ਨੀਵੇਂ ਜੀਵਨ ਵਿੱਚ ਇਕੱਠਾ ਹੁੰਦਾ ਹੈ ਜੋ ਉਹਨਾਂ ਨੂੰ ਕਿਤੇ ਵੀ ਜਾਣ ਅਤੇ ਤੁਹਾਡੀ ਅਜਿਹੀ ਇਕ ਪਵਿੱਤਰ ਧਰਤੀ 'ਤੇ ਜਾਣ ਤੋਂ ਰੋਕਦਾ ਹੈ। ਇੱਕ ਦਿਨ, ਸ਼੍ਰੀਮਾਨ ਜੀ, ਕਈ ਸਾਲਾਂ ਬਾਅਦ, ਸ਼ਾਇਦ, ਸਾਰੀਆਂ ਰੂਹਾਂ ਉਹੀ ਅਨੁਭਵ ਕਰਨਗੀਆਂ ਜੋ ਤੁਹਾਡੀ ਬੁੱਧ ਧਰਤੀ ਦੇ ਲੋਕ ਪ੍ਰਮਾਤਮਾ ਦੀ ਕਿਰਪਾ ਨਾਲ ਅਨੁਭਵ ਕਰਦੇ ਹਨ। ਆਮੇਨ। ਰਾਜੇ ਨੇ ਵੀ ਦੁਹਰਾਇਆ, "ਆਮੀਨ।" ਉਸਦੇ ਸਾਰੇ ਸਾਥੀਆਂ ਨੇ ਵੀ ਰਾਜੇ ਤੋਂ ਬਾਅਦ ਇਕੱਠੇ "ਆਮੀਨ" ਦੁਹਰਾਇਆ। ਜੇ ਤੁਸੀਂ ਉਨ੍ਹਾਂ ਨੂੰ ਸੁਣ ਸਕਦੇ ਹੋ ਤਾਂ ਉਨ੍ਹਾਂ ਦੀਆਂ ਆਵਾਜ਼ਾਂ ਤੁਹਾਡੇ ਕੰਨਾਂ ਲਈ ਸੰਗੀਤ ਵਾਂਗ ਹਨ। ਇੰਨੀਆਂ ਸੁਰੀਲੀਆਂ, ਸੁੰਦਰ ਆਵਾਜ਼ਾਂ ਜੋ ਸਾਡੀ ਦੁਨੀਆ ਦੇ ਸਾਰੇ ਗਾਇਕਾਂ ਨੂੰ ਪਸੰਦ ਆਉਣਗੀਆਂ।

ਸਾਡੀ ਧਰਤੀ ਤੋਂ ਤੁਹਾਡੀ ਬੁੱਧ ਧਰਤੀ (ਮਹਾਰਾਜ ਰਾਜਾ ਯੇ ਦੀ ਧਰਤੀ) ਤੱਕ ਦੀ ਦੂਰੀ, ਤੁਸੀਂ ਕਿਹਾ, 91 ਜ਼ਿਲੀਅਨ ਹੈ ਅਤੇ ਇਸ ਤੋਂ ਬਾਅਦ ਕਈ ਨੰਬਰ, ਜੇ ਮੈਨੂੰ ਸਹੀ ਢੰਗ ਨਾਲ ਯਾਦ ਹੈ? ਕੀ ਇਹ ਸਹੀ ਹੈ, ਸ਼੍ਰੀਮਾਨ ਜੀ? "ਓਹ, ਹਾਂਜੀ, ਬਿਲਕੁਲ, ਬਿਲਕੁਲ। ਅਸੀਂ ਤੁਹਾਡੇ 'ਤੇ ਬਹੁਤ ਜ਼ਿਆਦਾ ਸੰਖਿਆਵਾਂ ਦਾ ਬੋਝ ਨਹੀਂ ਪਾਉਣਾ ਚਾਹੁੰਦੇ, ਇਸ ਲਈ ਆਓ ਇਹ ਕਹੀਏ ਕਿ ਮੁੱਖ ਸੰਖਿਆ 91 ਜ਼ਿਲੀਅਨ ਤੋਂ ਵੱਧ ਹੈ, ਆਦਿ।" ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ। ਅਤੇ ਤੁਹਾਨੂੰ ਸਾਨੂੰ ਮਿਲਣ ਆਉਣ ਵਿੱਚ ਕਿੰਨਾ ਸਮਾਂ ਲੱਗਦਾ ਹੈ, ਇੰਨੀ ਇਕ ਦੂਰੀ ਤੋਂ? "ਓਹ, 91 ਜ਼ਿਲੀਅਨ ਪ੍ਰਕਾਸ਼-ਸਾਲ।" ਹਾਂਜੀ, ਬੇਸ਼ੱਕ, ਧਰਤੀ ਦੇ ਲੋਕਾਂ ਲਈ ਇਸਨੂੰ ਸਮਝਣਾ ਕਲਪਨਾ ਤੋਂ ਬਾਹਰ ਹੈ। ਵਾਹ। ਕੋਈ ਹੈਰਾਨੀ ਨਹੀਂ ਕਿ ਜਦੋਂ ਸ਼ਕਿਆਮੁਨੀ ਬੁੱਧ ਨੇ ਕੁਝ ਬੁੱਧਾਂ ਦੀਆਂ ਧਰਤੀਆਂ ਦੀ ਜਾਣ-ਪਛਾਣ ਕਰਵਾਈ, ਤਾਂ ਉਹ ਹਮੇਸ਼ਾ ਕਹਿੰਦੇ ਸਨ ਕਿ ਉਹ ਗੰਗਾ ਨਦੀ ਦੀਆਂ ਰੇਤਾਂ ਤੋਂ 10 ਗੁਣਾ ਵੱਧ ਦੂਰੀ 'ਤੇ ਹਨ। ਵਾਹ। ਸਾਨੂੰ ਇਹ ਦੱਸਣ ਲਈ ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ, ਕਿ ਬ੍ਰਹਿਮੰਡ ਵਿੱਚ ਹੋਰ ਵੀ ਜੀਵ ਹਨ, ਸਿਰਫ਼ ਇਨਸਾਨ ਹੀ ਨਹੀਂ। ਅਤੇ ਦੂਰ-ਨੇੜਿਓਂ, ਹਰ ਥਾਂ ਹੋਰ ਵੀ ਸ਼ਾਨਦਾਰ ਧਰਤੀਆਂ ਹਨ, ਜਿੱਥੇ ਲੋਕ ਪੂਰੀ ਤਰ੍ਹਾਂ ਅਨੰਦ, ਆਜ਼ਾਦੀ, ਖੁਸ਼ੀ, ਅਤੇ ਗਿਆਨਵਾਨ ਭਾਵਨਾ ਨਾਲ ਰਹਿੰਦੇ ਹਨ। ਇਹ ਸਾਰੀਆਂ ਰੂਹਾਂ ਦਾ ਸੁਪਨਾ ਹੈ ਕਿ ਉਹ ਬੁੱਧਾਂ ਦੀਆਂ ਧਰਤੀਆਂ ਵਿੱਚੋਂ ਕਿਸੇ ਇੱਕ ਵਿੱਚ ਰਹਿਣ।

ਮਹਾਰਾਜਾ ਰਾਜਾ ਯੇ ਕਹਿੰਦੇ ਹਨ ਕਿ ਉਨ੍ਹਾਂ ਦੇ ਨਾਮ ਦਾ ਅਰਥ ਹੈ "ਪ੍ਰਸਿੱਧ।" ਇਹ ਉਨ੍ਹਾਂ ਦਾ ਇੱਕ ਬੁੱਧ ਬਣਨ ਤੋਂ ਪਹਿਲਾਂ ਦਾ ਪ੍ਰਣ ਸੀ, ਕਈ ਸਾਲ ਪਹਿਲਾਂ। ਉਸਦਾ ਮਤਲਬ ਇਹ ਨਹੀਂ ਕਿ ਉਹ ਮਸ਼ਹੂਰ ਹੋਣਾ ਚਾਹੁੰਦਾ ਹੈ। ਇਹ ਸਿਰਫ਼ ਇੰਨਾ ਹੈ ਕਿ ਉਹ ਦੂਰ-ਦੂਰ ਤੱਕ ਜਾਣਿਆ ਜਾਣਾ ਚਾਹੁੰਦਾ ਹੈ, ਤਾਂ ਜੋ ਉਹ ਸਾਰੇ ਜੀਵਾਂ ਨਾਲ, ਵੱਧ ਤੋਂ ਵੱਧ ਜੀਵਾਂ ਨਾਲ ਨੇੜਤਾ ਰੱਖ ਸਕੇ, ਅਤੇ ਉਨ੍ਹਾਂ ਨੂੰ ਆਸ਼ੀਰਵਾਦ ਦੇ ਸਕੇ, ਉਨ੍ਹਾਂ ਨੂੰ ਸਿਖਾ ਸਕੇ, ਅਤੇ ਉਨ੍ਹਾਂ ਨੂੰ ਅਗਿਆਨਤਾ ਅਤੇ ਨਕਾਰਾਤਮਕ ਨਿਯੰਤਰਣ ਦੇ ਚੁੰਗਲ ਤੋਂ ਬਚਾ ਸਕੇ। ਅਤੇ ਤੁਹਾਡੀ ਬੁੱਧ ਧਰਤੀ ਦੇ ਨਾਮ (Py, ਪਾਈ) ਦਾ ਅਰਥ ਹੈ ਇਕ "ਪੂਰੇ ਸਾਲ ਬਸੰਤ," ਠੀਕ ਹੈ, ਸ਼੍ਰੀਮਾਨ ਜੀ? "ਓਹ ਹਾਂਜੀ, ਇਹ ਇਸ ਤਰ੍ਹਾਂ ਹੀ ਹੈ। ਇਸ ਤਰ੍ਹਾਂ, ਸਾਡੀ ਦੁਨੀਆ ਵਿੱਚ ਬਸੰਤ ਤੋਂ ਇਲਾਵਾ ਕਦੇ ਵੀ ਕੋਈ ਬੁਰਾ ਮੌਸਮ ਨਹੀਂ ਹੁੰਦਾ। ਸੁੰਦਰ, ਸੰਜਮੀ, ਆਰਾਮਦਾਇਕ, ਅਤੇ ਬਹੁਤ ਹੀ ਸੁਹਾਵਣਾ, ਹਰ ਸਮੇਂ, ਹਰ ਸਮੇਂ, ਬਹੁਤ ਹੀ ਤਾਜ਼ਗੀ ਭਰਪੂਰ ਊਰਜਾ, ਸੋ ਅਸੀਂ ਹਮੇਸ਼ਾ ਲਈ ਜੀਅ ਸਕੀਏ।"

ਵਾਹ, ਵਾਹ। ਵਾਹ। ਧਰਤੀ ਦੇ ਜੀਵ, ਕੀ ਤੁਸੀਂ ਇਹ ਸੁਣਿਆ ਹੈ? ਕੀ ਤੁਸੀਂ ਉਹ ਸੁਣਿਆ? ਕੀ ਇਹ ਚੰਗਾ ਨਹੀਂ ਹੋਵੇਗਾ ਜੇਕਰ ਸਾਡੀ ਦੁਨੀਆਂ ਇਸ ਤਰ੍ਹਾਂ ਦੀ ਬਣ ਜਾਵੇ? ਮੈਨੂੰ ਉਮੀਦ ਹੈ ਕਿ ਮੇਰੀਆਂ ਸਾਰੀਆਂ ਕੋਸ਼ਿਸ਼ਾਂ ਫਲ ਦੇਣਗੀਆਂ, ਕਿ ਇਸ ਧਰਤੀ ਦੇ ਸਾਰੇ ਜੀਵ ਉਦਾਰ, ਦਿਆਲੂ, ਸੰਤਮਈ ਜੀਵ ਬਣ ਸਕਣਗੇ। ਅਤੇ ਉਸ ਸ਼ਕਤੀ ਨਾਲ, ਅਸੀਂ ਇਸ ਦੁਨੀਆਂ ਨੂੰ ਇਕ ਬੁੱਧ ਧਰਤੀ ਵਿੱਚ ਬਦਲ ਸਕਦੇ ਹਾਂ - ਬਿਲਕੁਲ ਜਿਵੇਂ ਪਾਈ ਦੀ ਧਰਤੀ ਦੇ ਮਹਾਰਾਜਾ ਰਾਜਾ ਯੇ । ਖੈਰ, ਜੇ ਤੁਸੀਂ ਵਿਸ਼ਵਾਸ ਕਰਦੇ ਹੋ ਕਿ ਬ੍ਰਹਿਮੰਡ ਦਾ ਇੱਕ ਸਕਾਰਾਤਮਕ ਪੱਖ ਹੈ, ਜੋ ਕਿ ਦਿਆਲੂ, ਹਮਦਰਦ, ਰੱਖਿਆਤਮਕ, ਅਤੇ ਗਿਆਨਵਾਨ ਹੈ, ਤਾਂ ਕਿਰਪਾ ਕਰਕੇ ਮਹਾਰਾਜ ਰਾਜਾ ਯੇ ਦੀ ਸਲਾਹ ਦੀ ਪਾਲਣਾ ਕਰੋ। ਦਿਨ ਰਾਤ ਉਸਦਾ ਨਾਮ ਜਪੋ। ਆਪਣੇ ਆਪ ਨੂੰ ਬੋਲੀ, ਕਿਰਿਆ, ਅਤੇ ਵਿਚਾਰਾਂ ਵਿੱਚ ਸ਼ੁੱਧ ਕਰੋ, ਤਾਂ ਜੋ ਤੁਸੀਂ ਇਸ ਸ਼ਾਨਦਾਰ ਧਰਤੀ 'ਤੇ ਪੁਨਰ ਜਨਮ ਲੈਣ ਲਈ ਕਾਫ਼ੀ ਪਵਿੱਤਰ, ਭਾਗਸ਼ਾਲੀ, ਧੰਨ ਹੋ ਸਕੋ। ਮੈਂ ਤੁਹਾਨੂੰ ਸਾਰਿਆਂ ਨੂੰ ਸਾਡੇ MAPA, ਸਰਬਸ਼ਕਤੀਮਾਨ ਪ੍ਰਮਾਤਮਾ ਵੱਲੋਂ ਕਿਸਮਤ ਅਤੇ ਅਸ਼ੀਰਵਾਦ ਦੀ ਕਾਮਨਾ ਕਰਦੀ ਹਾਂ। ਆਮੇਨ।

ਰਾਜਾ ਮੈਨੂੰ ਇੱਕ ਤੋਹਫ਼ਾ ਦੇਣਾ ਚਾਹੁੰਦਾ ਹੈ। ਓਹ, ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ। ਮੈਂ ਨਿਮਰਤਾ ਅਤੇ ਸ਼ੁਕਰਗੁਜ਼ਾਰੀ ਨਾਲ ਸਵੀਕਾਰ ਕਰਦੀ ਹਾਂ। ਅਤੇ ਤੋਹਫ਼ਾ ਇਹ ਹੈ ਕਿ ਉਸਨੇ ਆਪਣੀ ਯੋਗਤਾ ਅਤੇ ਅਸੀਸ ਸਾਂਝੀ ਕੀਤੀ ਤਾਂ ਜੋ ਮੈਂ ਵੀ ਪ੍ਰਸਿੱਧ ਹੋਵਾਂ ਅਤੇ ਸਦਾ-ਬਸੰਤ ਵਾਂਗ ਆਰਾਮ ਵਿੱਚ ਰਹਾਂ। ਓਹ, ਤੁਹਾਡਾ ਧੰਨਵਾਦ, ਤੁਹਾਡਾ ਧੰਨਵਾਦ। ਤੁਹਾਡਾ ਧੰਨਵਾਦ, ਦਿਆਲੂ ਰਾਜੇ । ਮੇਰੇ ਦਿਲ ਵਿੱਚ, ਮੈਂ ਹਮੇਸ਼ਾ ਇਹੀ ਕਾਮਨਾ ਕਰਦੀ ਹਾਂ ਕਿ ਪ੍ਰਮਾਤਮਾ... ਹੋਰ ਬਹੁਤ ਸਾਰੇ ਰਾਜੇ ਹਮੇਸ਼ਾ ਮੈਨੂੰ ਪਿਆਰ ਅਤੇ ਮਸ਼ਹੂਰ ਹੋਣ ਦੀ ਕਾਮਨਾ ਕਰਦੇ ਹਨ, ਆਦਿ। ਪਰ ਮੈਂ ਹਮੇਸ਼ਾ ਚਾਹੁੰਦੀ ਹਾਂ ਕਿ ਪ੍ਰਮਾਤਮਾ ਪਿਆਰਾ ਹੋਵੇ, ਪ੍ਰਮਾਤਮਾ ਧੰਨ ਹੋਵੇ, ਪ੍ਰਮਾਤਮਾ ਪੂਜਿਆ ਜਾਂਦਾ ਹੋਵੇ, ਪ੍ਰਮਾਤਮਾ ਪ੍ਰਸ਼ੰਸਾਯੋਗ ਹੋਵੇ, ਪ੍ਰਮਾਤਮਾ ਉਹ ਹੋਵੇ ਜਿਸਦੀ ਪ੍ਰਾਰਥਨਾ ਕੀਤੀ ਜਾਵੇ, ਅਤੇ ਹੋਰ ਬਹੁਤ ਸਾਰੇ ਗੁਣ, ਸਾਰੇ ਪ੍ਰਮਾਤਮਾ ਦੇ ਕਬਜ਼ੇ ਵਿੱਚ ਹੋਣ। ਭਾਵੇਂ ਪ੍ਰਮਾਤਮਾ ਕੋਲ ਪਹਿਲਾਂ ਹੀ ਇਹ ਸਭ ਕੁਝ ਹੈ, ਪਰ ਮੈਂ ਚਾਹੁੰਦੀ ਹਾਂ ਕਿ ਹੋਰ ਵੀ, ਹੋਰ ਵੀ, ਹੋਰ ਵੀ, ਕੋਈ ਵੀ ਗਿਣਤੀ, ਕੋਈ ਵੀ ਮਾਤਰਾ, ਕੋਈ ਵੀ ਗੁਣ ਪ੍ਰਮਾਤਮਾ ਨੂੰ ਦਿੱਤਾ ਜਾਵੇ, ਕਿਉਂਕਿ ਪ੍ਰਮਾਤਮਾ ਸਾਡੇ ਮਾਪੇ ਹਨ।

ਪ੍ਰਮਾਤਮਾ ਬਹੁਤ ਪਿਆਰਾ ਅਤੇ ਦਿਆਲੂ ਹੈ - ਸਾਡੀਆਂ ਰੂਹਾਂ ਨੂੰ ਜਨਮ ਦਿੰਦਾ ਹੈ, ਸਾਨੂੰ ਪੋਸ਼ਣ ਦਿੰਦਾ ਹੈ, ਅਤੇ ਸਾਨੂੰ ਚੋਣ ਕਰਨ ਲਈ ਸੁਤੰਤਰ ਹੋਣ ਦਿੰਦਾ ਹੈ। ਇਸ ਲਈ ਹੁਣ ਤੋਂ, ਮੈਂ ਉਮੀਦ ਕਰਦੀ ਹਾਂ ਕਿ ਤੁਸੀਂ ਸਾਰੇ ਧਾਰਮਿਕਤਾ, ਪਿਆਰ-ਭਰੀ ਦਇਆ, ਹਮਦਰਦੀ ਦੀ ਚੋਣ ਕਰੋਗੇ ਅਤੇ ਆਪਣੇ ਆਲੇ ਦੁਆਲੇ ਦੇ ਸਾਰੇ ਜੀਵਾਂ ਨਾਲ ਇਸ ਤਰ੍ਹਾਂ ਪੇਸ਼ ਆਓਗੇ। ਫਿਰ ਤੁਸੀਂ ਇੱਕ ਸੰਤ, ਇੱਕ ਬੁੱਧ ਹੋਵੋਗੇ। ਇਨ੍ਹਾਂ ਸਾਰੇ ਗੁਣਾਂ ਦੇ ਹੋਣ ਕਰਕੇ, ਤੁਸੀਂ ਇੱਕ ਬੁੱਧ ਹੋ। ਸ਼ਕਿਆਮੁਨੀ ਬੁੱਧ ਨੇ ਕਿਹਾ ਕਿ ਉਹ ਉਹ ਹੈ ਜੋ ਪਹਿਲਾਂ ਹੀ ਇੱਕ ਬੁੱਧ ਹੈ, ਅਤੇ ਤੁਸੀਂ ਸਾਰੇ ਬੁੱਧ ਬਣੋਗੇ, ਇਕ ਬੁੱਧ ਬਣ ਸਕਦੇ ਹੋ। ਇਸ ਲਈ ਇਸ ਵਿੱਚ ਵਿਸ਼ਵਾਸ ਰੱਖੋ ਅਤੇ ਬੁੱਧ ਦੇ ਤਰੀਕੇ, ਸੰਤ ਤਰੀਕੇ, ਪ੍ਰਮਾਤਮਾ ਵਾਲੇ ਤਰੀਕੇ ਨਾਲ ਜੀਓ।

ਮੈਂ ਚਾਹੁੰਦੀ ਹਾਂ ਕਿ ਪ੍ਰਮਾਤਮਾ ਨੂੰ ਪ੍ਰਸਿੱਧ ਹੋਣ ਦਾ ਇਹ ਤੋਹਫ਼ਾ ਮਿਲੇ, ਤਾਂ ਜੋ ਲੋਕ ਇਕ ਚੁੰਬਕ ਵਾਂਗ ਪ੍ਰਮਾਤਮਾ ਵੱਲ ਆਕਰਸ਼ਿਤ ਹੋਣ ਅਤੇ ਦੁਬਾਰਾ ਧੰਨ, ਪਵਿੱਤਰ, ਪ੍ਰਮਾਤਮਾਵਾਦੀ ਬਣਨ। ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ। ਆਮੇਨ। ਰਾਜਾ ਅਤੇ ਉਸਦੇ ਸਾਥੀਆਂ ਨੇ ਵੀ "ਆਮੇਨ" ਕਿਹਾ। ਤਾਂ ਮੇਰੀ ਇੱਛਾ ਪੂਰੀ ਹੋਵੇ।

Photo Caption: “ਸੂਰਜ ਇੱਕ ਮਹਾਨ ਦਿਲ ਹੈ, ਪਿਆਰ ਅਤੇ ਰੌਸ਼ਨੀ ਨਾਲ ਭਰਿਆ ਹੋਇਆ”

ਫੋਟੋ ਡਾਊਨਲੋਡ ਕਰੋ