Дэлгэрэнгүй
Татаж авах Docx
Дэлгэрэнгүй уншаарай
Эрхэм ээ, манай гараг тийм (диваажин) болоосой гэж бид үнэхээр хүсдэг. Гэхдээ сүнснүүд дээд хэмжээснээс бууж ирээд, Дэлхий дээр ургасан зүйлийг идэж эхлэхээс өмнө манай ертөнц ийм, бараг л ийм байсан. Ингэснээр тэдний гадаад төрх улам хүндэрч, эрэгтэй, эмэгтэй, ижил хүйстэн гэх мэт хоёр, гурван хүйсийн ангилалд хуваагдсан. Үүнээс болж хүмүүс бүхнийг зөвхөн өөртөө хураахын төлөө чармайн, улам сувдаг хомхой сэтгэлтэй болцгоосон юм. Тэгээд шуналдаа хөтлөгдөн, өөрсдөдөө болон ойр дотнынхоо хүмүүст илүү их хоол хүнс булаан авахын тулд тэмцэлдэж, бүр нэгнээ хөнөөдөг болсон. Ийнхүү алхам алхмаар энэ дэлхий тав тух муутай, диваажин шиг биш газар болон хувирч, өнөөгийн бидний амьдарч буй энэхүү замбараагүй ертөнц болох хүртлээ улам бүр дордсоор иржээ. Хомхой сэтгэлээсээ болж, мөн харилцан адилгүй амт таашаал сонирхлоосоо болж, дэлхийнхэн энэ байдалдаа улам дассан. Тиймээс тэд амтлах хүслээ, эсвэл тав тух, таатай байдалд шунах сэтгэлээ хангахын тулд улам ихийг авахыг хичээсэн. Ийнхүү тэд бусдыг хянан эрхшээх, дарамтлах, дээрэлхэх, боолчлох, цаашлаад бие биеэ сөнөөх, хөнөөх, эсвэл бүрмөсөн устгахаас өөр юуг ч үл мэдэх сөрөг хүчний хамгийн муу муухай төрөлтнүүдийг өөртөө татсан юм. Ингэж бид өнөөгийн ийм ертөнцийг үүсгэсэн юм, Эрхэм ээ. Энэ нэг л гараг дээр амьдралын хэв маягаараа ижил төстэй, энэрэнгүй, нинжин сэтгэлтэй, сайн санаат бүлгүүд, мөн тэдний эсрэг төрлийн буюу дайнч бүлгүүд гэх мэт асар олон өөр өөр бүлэг оршдог. Тиймээс энэ дэлхийн хүн ам, хамтран оршин суугчид янз бүрийн бүлэг хэсэгт хуваагдсан байдаг. Түүнчлэн энэ дэлхийн оршин суугчдын энергийн нягтрал, ухамсар сэтгэлгээ хэдий чинээ доройтох тусам өөрсдийн ахуй орчин, ертөнц, улс орондоо элдэв янзын төрөлтнүүдийг төдий чинээ ихээр дагуулан татах болжээ. Эдгээр төрөлтнүүд хамгийн муу муухай хүмүүсээс ч долоон дор төрлийнх бөгөөд тэд эрхшээж чадах хэнийг ч болов, ялангуяа хүмүүсийг хянаж, өөрсдийнхөө төлөө ажиллуулж, ердөө идэх үмх хоол, биедээ эгэлдрэглэх алдхан даавууных нь төлөө хүнд хүчир ажил хийлгэн зүтгүүлэх болсон юм. Бүр ч дор нь тэд тэрхүү яльгүй зүйлээ ч хадгалж чадсангүй. Учир нь энэ дэлхийн захирагчид болсон сөрөг хүчнийхэн тэднийг улам бага зүйлийн төлөө улам хүндээр зүтгүүлэх болсон юм. Тиймээс ч ердөө 1% орчим нь л чинээлэг байр сууриа хадгалж, тав тухтай, хангалуун, бүр илүүдэж хальсан амьдралаар амьдарч байна. Харин үлдсэн 99% нь дорой буурай, бүхнээр дутагдаж гачигдаж байгаа бөгөөд тэдний асар олон нь амьд тэсэж чадахгүйд хүрдэг. Ийнхүү олон хүн, ялангуяа хүн төрөлхтөн хоол хүнс болон хэрэгцээт зүйлс элбэг байсан өмнөх байр сууриа эргүүлэн олохын тулд ихэд чармайдаг. Заримынх нь хувьд их юмтай байх тусмаа бүр илүү ихийг хүсдэг. Ийнхүү тэдний амьдрал хэрэгцээт зүйлс, бүр хэрэгцээнээс илүү зүйлсийн төлөөх тэмцэл болсон. Тэд хөршдөө байгаа бүхнийг, бүр түүнээс ч ихийг эзэмшиж гайхуулах, бардам зангаа тэжээх, эргэн тойрныхоо хамаг хүнд магтуулж, атаархлыг нь төрүүлэхийг хүсдэг. Өнөө үед бүр дэлхий даяар алдарших, дэлхийн хамгийн баян хүн болох дээрээ тулжээ. Тиймээс энэ гаргийн хүмүүсийг жинхэнэ тав тух, аз жаргал, сэтгэлийн жинхэнэ ханамжаар Танайхтай хэзээ ч зүйрлэшгүй. Үүгээр ч зогсохгүй. Тэд хөрш орноос хүссэн зүйлээ булаахын тулд нэг нэгэндээ дайн зарладаг. Эндхийн зовлонд төгсгөл үгүй, Эрхэм ээ. Зовлон дуусахгүй, огт дуусахгүй. Аллага дуусахгүй. Төгсгөл үгүй... Хүмүүсийн өөрсдөө бий болгосон Дэлхий дээрх амьдын тамд төгсгөл үгүй. Бид бүгд Танай гараг, танай ард түмэнд атаархаж байна. Таны буянаар тэд хэрэгтэй бүхнээрээ хангагдаж, мөнхөд дээд зэргийн тав тухтай амьдардаг. “Ви гаргийн ард түмэн бид Танай ертөнцийг хааяа ажиглан, Танай хүмүүс хэрхэн амьдарч буйг хараад та бүхнийг, энэ гараг дээрх Танай хүмүүсийг өрөвддөг. Бид чин сэтгэлээсээ ихэд өрөвдөн, энэрч хайрладаг. Тиймээс өнөөдөр бид Танай хүмүүсийн зовлон шаналлыг бага ч атугай нимгэлэхээр өөрсдийн буян хишиг, адис ерөөлөөс өргөн, бэлэг болгохоор ирлээ. Мөн Танд зориулсан хувийн бэлэг ч бий.” Хүндэт Эрхэм Дээдэс По Хаан минь, Та манай ертөнцийн ийм таагүй, шаналгаатай үйл явдлуудыг харах болсонд бид туйлын харамсаж байна. Би өөрөө БУРХАНЫ Ивээлээр энэ ертөнцийг илүү сайн сайхан, гэгээрсэн байдалд хүргэж, өөрийгөө сэргээн, дахин танихад нь туслахын тулд маш их хичээж байна. Гэвч энэ тийм ч амаргүйг Та харж буй биз ээ. “Тийм ээ. Тийм ээ, Хаадын Хаадын Хаадын Хаан Эрхэм Таныг бид ихэд өрөвдөж байна. Та бүх Орчлон ертөнцийг нийлүүлснээс ч илүү бүхнийг хүртэх учиртай. Энэ Таны хэмжээлшгүй их буян хишиг. Та хүссэн зүйлийнхээ төлөө хуруугаа ч хөдөлгөх шаардлагагүй. Бодох төдийд л тэр зүйл Танд ирнэ. Гэвч Та хэзээ ч юу ч хүсдэггүй. Харин Та өөрийгөө золиослон, буян хишгээ хуваалцаж, Танд итгэдэг, Танаас тусламж хүсдэг хүмүүс, тэр бүү хэл дайны гэмт хэрэгтнүүд, дэлхийн хамгийн хүнд нүгэлтнүүдэд ч Та хязгааргүй золиос, зовлон зүдүүрийнхээ үнэ цэнээр туслахаар ирдэг. Энэ бол олон Бурханы бууж ирэхийг хүсэхээргүй, эсвэл саатан үлдэхийг хүсэхээргүй тийм ертөнц билээ. Харин Та, Та энэ дэлхийн оршин суугчдад туслахын тулд сайн дураараа бүхнээ золиосолдог билээ. Тиймээс Будда нар, Хаан Будда нар Будда Хаад бид бүгд Таныг бишрэн, шүтэж, ирж дэмжин, ачааг тань хөнгөлөхийг хичээдэг.” Тийм ээ, Эрхэм ээ, тийм ээ, Эрхэм ээ, Эрхэм Дээдэс По Хаан аа, энд чимээгүйхэн, эсвэл илээр ирсэн, надтай уулзсан, уулзаагүй хамаагүй Өөрсдийн хамгийн сайхан бүхнийг өргөж, манай ертөнцөд тусалсан Будда Хаадад би мөнхөд өртэй. Эс бөгөөс энэ ертөнц аль хэдийн үгүй болох байсан гэж бодож байна. Өнгөрсөнд зочлон ирсэн, одоо болон ирээдүйд зочлон ирэх Та бүхний сайхан сэтгэл, энэрэл, хэмжээлшгүй хүч чадалд маш их баярлалаа. Тэгсэн атал энэ ертөнц төдийлөн сайжрахгүй л байна. Бид Та бүхний Хүчийг үнэхээр дэмий үрсээр байна. Энэ ертөнцийн бүх хүн болон аливаа бусад мунхаг төрөлтний өмнөөс уучлал хүсье. Мөн Та бүхэнд хэмжээлшгүй ихээр, үүрд талархаж байна. Баярлалаа. БУРХАНЫ Ивээлээр Та болон Танай ард түмэн сүнслэг буян хишгээ хүртэн, мөнхөд сүр жавхлан, алдар суутай орших болтугай. Нэгэн өдөр энэ дэлхий Таны ертөнц шиг мөнхийн баяр баясал, аз жаргал, ивээлийг эдлэх хэмжээнд хүрэх ч юм билүү. Амен. “Тийм ээ, танай ертөнцөд болон Танд зориулж авчирсан бэлгийг минь хүлээн авна уу.” Өө тийм үү, ямар бэлэг авчирснаа хэлж өгнө үү. “Танай хүмүүс, оршин суугчид, тэр дундаа амьтан-хүмүүс болон энэ бэлгийн тухай олж мэдсэн бүх төрөлтөнд зориулсан бэлгийн маань учир бол: Миний нэрийг дуудаж уншсан хэн бүхэн сэтгэлийн амар амгаланг олно. Эсвэл манай бүх ард түмнийг дуудсан хэн бүхний түвшин эрхэм ариун дээд чанарт хүрнэ. Тэд бүр манай Оронд төрж, тэнд очоод мөнхийн аз жаргал, баяр баяслыг эдлэн, бүх зовлонгоос гэтэлж чадна. Тэд энэ дэлхий шиг ийм гарагт дахин хэзээ ч төрөл авах шаардлагагүй.” Эрхэм ээ, баярлалаа. Баярлалаа, Эрхэм ээ. Бүгдэд маань хэрэгтэй бэлэг байна. Бүгдэд маань хэрэгтэй. Өнөөдрийн Таны бэлгийн тухай бид дэлхий даяар нэвтрүүлнэ. БУРХАНЫ Нэрийн өмнөөс Таны буян хишиг, хэмжээлшгүй хүч тэдний сэтгэлд нөлөөлж, сүнсийг нь дээшлүүлэн, тийнхүү Таны ивээлээр Танай Оронд төрөх болтугай гэж найдаж байна. Бид Танд талархаж байна. БУРХАНЫ Ивээлээр Та болон Танай ард түмний ийм гайхамшигтай амьдрал үргэлжилсээр байх болтугай. Амен. Өчүүхэн бид Таны Бэлгийг гүнээ талархан хүлээж авлаа. Таны айлчлал, өгөөмөр сэтгэлийн төлөө БУРХАНД талархъя. Олон хүн, бүр хүмүүсийн дийлэнх нь Таны нэрийг дуудаж, Танаар адислуулбал Таны ертөнцөд төрөөгүй байсан ч буянтай төрөлтөн болж, энэ дэлхий ч буянтай гараг болно. Эрхэм Танд гүнээ талархъя. БУРХАН Таныг болоод ард түмнийг Тань мөнхөд улам ихээр адислах болтугай. Амен. “Одоо бид Танд бас нэгэн бэлгийг өргөхдөө туйлын их хүндэтгэл, баяр хөөрийг мэдэрч байна. Энэ бэлэг бол: Таныг хаана ч очсон, бүх дэлхий, бүх Орчлон ертөнц Таны хөл доорх шороог ч хүндэтгэн бишрэх тийм эрхэм дээд ахуйд Та үргэлж оршин байж, зүрх сэтгэлд Тань цаг ямагт амар амгалан орших болтугай.” Эрхэм ээ, Таны өгөөмөр сайхан сэтгэлд үүрд талархъя. Надад үнэхээр хэрэгтэй зүйл байна. Яг цагаа оллоо, маш их баярлалаа. Яг одоо надад энэ хэрэгтэй байна. Амар амгалан, эрхэм чанар хэзээд ихдэхгүй. Тиймээс Танд маш их баярлалаа. “Зүгээр дээ. Та бол Хаадын Хаадын Хаадын Хаан. Та хэзээ ч юугаар ч дутаж байсан удаагүй. Бид ердөө л чин сэтгэлийн хүндлэл, хайраа илэрхийлж энэ бэлгийг Танд өргөж байгаа юм.” Танд их баярлалаа. Эрхэм Дээдэс По Хаан Танд баярлалаа. Би үүнийг нэн даруу бөгөөд гүнээ талархан хүлээн авч байна. Танд ч бас юу ч хэрэггүй. Энэ гараг Таны нүдэнд үнэхээр таагүй харагдаж байгаа. Учир нь Та уй гашуу, сэтгэл дундуур байдлыг илтгэх ганц үсэг ч байдаггүй ертөнцөөс ирсэн. Тиймээс манай гараг дээр хэсэг саатах хугацаандаа гамшиг, дайнд сүйдсэн болон аливаа таагүй газрыг анзаарахгүй өнгөрөөнө үү. Тэдгээр зүйлс Таны мэлмийд нано секундийн хугацаанд ч өртөх үнэ цэнгүй. Та манай хүмүүсийг даган үзэсгэлэнтэй хэвээрээ байгаа газруудаар л зочлоорой. Тэндээс Та нутгийн ард түмэндээ авч харих сайхан дурсамжтай болно. Photo Caption: “Баяртай Гэж Хэлэх нь Шинэ Амьдралыг Угтаж Байна Гэсэн Үг
