Ви Орны Цог Жавхлант По Хаан, 3 цуврал лекцийн 3-р хэсгийг

Эрхэм ээ, Та манайд хэр удаан саатах нь зүйтэй гэж үзэж байна вэ? “Дахиад 17 орчим хоног.” Хөөх. Манай гараг болон эндхийн хүмүүст ямар их Адислал вэ. Та бүрэн бүтнээрээ байгаа, эсвэл хохирол бага үзсэн үзэсгэлэнт газруудаар таалан морилно уу. Дэлхий дээр олон таагүй зүйл тохиолдсон тул харсан даруйд таагүй сэтгэгдэл төрүүлэх газар олон бий. Гэхдээ үзэсгэлэнт улс орнууд ч бас бий. Энэ гараг олон хэсэгт хуваагдсан тул олон улс орон байдаг юм. БУРХАН хэл соёл, үндэстнүүдийг холбох гүүр бүтээсэн. Гэвч заримдаа тэдний зан авир, үл ойлголцол, мунхаглал тэрхүү гүүрийг нурааж, улмаар хоорондоо дайтаж эхэлдэг.

Би энэ гараг дээр ирснээсээ хойш олон гүүрийг засаж байна. Гэвч заримдаа энэ амаргүй байдаг. Учир нь дэлхийнхний мэдэхгүй өөр аргуудыг заримдаа хэрэглэхэд дэлхийн хүмүүсийн буруу ойлголт, сөрөг бодол, өрөөсгөл үзэл миний ажлыг хүндрүүлж, заримдаа бүр боломжгүй болгодог. Тэр бүү хэл би улс орнуудын хоорондох гүүрийг засчихад тэд эргээд нураачихна. Мөн биднийг засаж амжаагүй байхад гүүр бүрэн нурж, тэд хэдийнээ хоорондоо дайтаад эхэлчихсэн байдаг. Учир нь юмс тэр даруй биелдэггүй. Нэг гүүр хаа нэгтээ цуурлаа гэхэд Бид бусад гүүрийг завгүй засварлаж байгаад цагт нь амжиж очиж чадахгүй бол тэр гүүр маш хурдан нурна. Хөршүүд хоорондын найрамдлын гүүрийг барихаас нураах нь хавьгүй хурдан. Тиймээс олон хөрш улс ердийн үед хоорондоо ихэд найрсаг байдаг ч аль нэгэн улсын зарим иргэн хэт их нүгэл үйлдвэл тэрхүү гүүр эвдэрч, тэр улсуудын хооронд дайн дэгдэнэ.

Хэрэв муу ёрын төрөлтнүүд чөтгөрийн хүчтэй энергийг энэ, тэр улсад авчирч, эмзэг хүмүүсийн зарим нь тэр төрөлтөнд итгэн, дагаж, эсвэл дэмжвэл найрамдлын гүүр мөн нурж болно. Ингэснээр муу төрөлтний хүч нэмэгдэж, гүүрийг нураан, улс орнуудын хооронд дайн дэгдээнэ! Эдгээр төрөлтөн чөтгөрийн хүч ихтэй тул хүмүүс үүнийг эерэг хүч хэмээн эндүүрч, улмаар ховсдуулан, ухаан бодлоо алдаж, үр хүүхэд, орон гэр гээд байгаа бүхнээ тэдэнд өгдөг. Өө, Эрхэм ээ, сөрөг хүч энэ гаргийн хүмүүсийг боолчлохын тулд хэрэглэдэг арга хэрэгслийг тоолж баршгүй!!!

Хайрт Төгс Гэгээрсэн Их Багш Чин Хай минь Хамгаас хайрт, хамгаас нигүүлсэнгүй Багш Тандаа мэхийн ёсолъё. Намайг (…) гэдэг, Аулак хүн. Би саяхан Багшаас авшиг хүртсэн юм. Гэвч саяхан би Тран Тамаас авшиг хүртлээ. Аль алинаас нь авшиг хүртсэний дараа надад ямар байсан талаар би хуваалцъя. Энд хэлэх зүйл минь надтай нэгэн адил Тран Тамыг дагадаг байсан сул дорой, хууртсан, харанхуй мунхаг, сохор сүнснүүдийг сэрээнэ гэж найдъя.

Тран Тамаас авшиг хүртсэний дараа миний гаднах амьдрал аажмаар уруудан доройтож, уналтад орсон. Би ажлаасаа халагдаж, гэр бүл маань нурсан. Надад дотоод ахуй ойлголт ирээгүй, бас тэдний амласан адисалж ч буугаагүй. Харин Төгс Гэгээрсэн Их Багш Чин Хайгаас авшиг хүртэхэд, (бүр Түүний сургаал номлолыг судалж эхэлсэн цагаас) амьдрал минь материаллаг байдлаар ч, сүнслэг байдлаар ч маш эергээр өөрчлөгдөж эхэлсэн. Би тогтвортой ажилтай болж, үр хүүхдүүдэд маань бас суралцах илүү сайхан газар зохицуулагдсан. Би илүү өөдрөг болж өдөр бүр л гайхамшиг мэт санагдах болсон. Сүнслэгээр би дотоод (Диваажингийн) Гэрэл Аялгуу олонтоо харсан.

Их Багшаас авшиг хүртэхээр суралцаж байх хугацаанд нэг удаа би бясалгаж байхдаа зөвхөн Их Багшийн нэрийг л уншиж байв, нөгөө талын заасан Таван Ариун Нэрс ямар ч хүчгүй байсан учраас таван Ариун Нэрсийг уншаагүй. Тэгтэл би тод цагаан Нүд харсан. Өөр нэг удаад Их Багш намайг өөр гаргууд руу авч явсан. Зүүдэндээ би Их Багштай олон удаа уулзсан.

Их Багшид би туйлын ихээр талархаж, үнэхээр азтай мэт санагддаг. Амьдралын минь хамгийн том жаргал бол Их Багшийн шавь байх. Би Багшид хайртай бөгөөд арван зүгийн Будда, Бодисадва нар болон Диваажин Их Багшид Ажлаа гүйцэтгэхэд нь туслах болтугай хэмээн залбиръя. Төөрөлдөж, хууртсан хүмүүс буцаад эргэж, удаан хүсэн хүлээсэн жинхэнэ агуу Гэгээрэлд хүрсэн Их Багштай, жинхэнэ Амьд Буддатай учрах болтугай. Энэ болсон явдлаа хуваалцах боломж олгосон Суприм Мастер ТВ-ын багийнханд талархъя.

“Рума Трань Там бол олон бясалгагчдыг хууран мэхэлж, төөрөгдүүлдэг тэрс үзэлтэн юм. Эдгээр заль мэхнээс болгоомжил” дүрс бичлэгийн хэсгээс эшлэв

Рума Трань Там бол бусдыг хорлохын тулд шашныг ашигладаг жигшмээр хууран мэхлэгч. Бид төөрөлдөж буй олон хүнийг аврахын тулд түүнийг илчилж, эсэргүүцэх хэрэгтэй. Тэр өөрийнхөө баримлыг цутгаж, үүнийгээ 5,000 ам. доллар буюу 120 орчим сая вьетнам доноор зарж, өөрийн дагалдагчдыг Будда, Эзэн (Есүс), өвөг дээдэстээ мөргөхийг хориглосон. Тэр бол үнэхээр хүний дүртэй чөтгөр. Тэр бүр бадрын аягыг 2,500 ам. доллар буюу 60 сая орчим вьетнам доноор зарсан. Тэр өөрийг нь дагасан бясалгагчдад дулаан нөмрөгийг 30 сая вьетнам дон (1,190 ам.доллар)-оор зарж, ашиг олоод Рума үүнийг “үйлийн үрийг уусгагч нөмрөг” гэж нэрлэсэн. Тэрээр зарсан бүх зүйлийг нь худалдан авбал хэр хүнд байхаас үл хамааран үйлийн үрийг нь үгүй хийж чадна гэж хууран мэхэлж, хүмүүсийг уруу татсан. Хамаг мэдрэхүйт төрөлтний бүх үйлийн үрийг үгүй хийх чадвартай гэж хэлж байсан өөрийнх нь үгтэй зөрчилдөж байгааг та нар харж байгаа биз дээ. Гэвч дараа нь тэр хүмүүсийг хууран мэхэлж, дэндүү өндөр үнээр олон зүйл зарж, харин тэд бүх үйлийн үрээ арилгуулахын тулд эдгээр зүйлийг авах ёстой болсон. Ээ халаг, энэ бол үнэхээр утгагүй зүйл, төөрөгдөл юм. Гэвч яаж ийм олон мунхаг, эмзэг хүн түүнд хууртдаг байна аа? Тэд мөнгөө алдаад зогсохгүй орон гэрээ сүйрүүлж, бас сүнс нь төөрчээ. Сэрж сэхээрнэ үү!

Би Трань Тамын дагагч байсан. Амьжиргааны зардал, хоол унд, дэлгүүр хэсэх гээд дотоод асуудалд минь шууд оролцдог байсан. Тиймээс би түүний зан чанар, амьдралын хэвшлийг бүгдийг нь мэднэ. Бясалгагчдаас мөнгө авах, зарим нь түүний хараалаас айж, байшингаа заран, өргөл өргөх зэрэг олон үйлдэл нь зохисгүй гэдгийг аажмаар ойлгосон. Бүлэгт оролцох үеэр нь бэлгийн дарамт үзүүлсэн тул түүнийг орхиж, мэдээлсэн эрэгтэй бясалгагчид байсан. Ийм байдлаар олон хүн хүчирхийлэлд өртсөн дөө. Тэр бүү хэл ирэхгүй бол гэр бүлээрээ өвдөж, үхнэ гэж сүрдүүлж, хараасан захидал хүртэл бичсэн. Өөрсдийгөө түүний ном хамгаалагч, лам нар хэмээн өргөмжилдөг баруун гарууд нь түүний төлөө бясалгагчдаас мөнгө чөлөөтэй цуглуулж, бүр халаасалдаг байсан. Дияаны үеэр хоол хүнс нь адисын хүчтэй гэж мэдэгдсэн тул бодит өртгөөсөө 20 дахин өндөр үнээр зарагддаг байлаа. Жишээлбэл: Тэр өөрийн тарьж ургуулсан саподилла (жимс)-г 100 ам. доллар, нэг шарвинг 500,000 вьетнам дон (Вьетнам Дон нь - 20 ам. доллар), нэг таваг будааг 1 сая вьетнам дон (40 ам. доллар) гээд бусад ижил төстэй өндөр үнэтэй олон зүйлийг зарсан.

Тран Тамын (Румагийн) жинхэнэ ба хуурамч нэрсийн жагсаалт:

Том Ван Тран (Төрсөн нэр)

Жон Сэйнт (одоогийн нэр ба АНУ-ын паспортдоо ашигладаг)

Гүрүжи Сагаррумагармата (Одоо өөрийнх нь хүсэж хэрэглэдэг нэр)

Трань Там

Трань Вань Там

Трань Вань Ут

Хюйнь Лон,

Трань Ут Хюйнь Лон

Там Трань

Том Трань / Том Тран

Их багш Трань Там

Трань Янь Том

Трань Йень Том

Кау Ут

Рума

Их багш Рума

Рума Гэгээн Жон

Их багш РУМА Гэгээн Жон

Минь Сү Рума

Минь Сү Трань Там

Гүрүжи Рума

Ом Рума

Сагаррумагармата

ГЭХ МЭТ…

Эрхэм ээ, үүнийг харах үнэхээр эмгэнэлтэй. Гэвч хүмүүс ойлгодоггүй учраас заримдаа засах амаргүй байдаг юм. Тэд өөрийг тань шүүмжилж, нүүр буруулж, эсвэл тэр байтугай гүүр барьж, засаж буй хүнд илт муу санаж, харгис хандаж ч мэднэ. Манай энэ газар Танай Орон шиг сүнслэг адислалтай болох тухай мөрөөдөх ч аргагүй дээ. Магадгүй нэг л өдөр, нэг л өдөр биелэх болов уу. Танай нутагт ард түмэнд Тань ийм гүүр огт хэрэггүй. Учир нь Та нар эндэх шиг хуваагдаж талцаагүй. Энд улс орнууд зэргэлдээ оршиж, хуваагдсан байдгаас болж улс бүр өөр хэлтэй болсон. Тиймээс заримдаа тэд бие биеэ ойлгож чаддаггүй. Тэд бусдынхаа хэлийг ойлгож болох ч энэ хуваагдлаас үүдсэн сэтгэлгээ, соёлын болон бусад олон талын ялгааг ойлгож чаддаггүй. Тиймээс Эрхэм Таны ажил харьцангуй бага. Та Өөрийн Буддын Орныг бүтээсэн тул ард түмэн Тань мөнхөд жаргадаг. Та эмх замбараагүй ертөнцөд ирж засахыг оролдон, эсвэл хэн нэгнийг аврахын тулд тамд очиж, тамын төрөлтнүүдийн тарчлал, шийтгэл, харгислалыг тэвчих шаардлагагүй.

Түвшин бүр адилгүй. Ялангуяа манай энэ түвшний хэлбэлзэл хэт доогуур, энерги нь хэт сөрөг байсаар байна. Тиймээс энд ирсэн ямар ч Их Багш асар их зовсон. Өмнө нь энд ирсэн олон Их Багш ихэнхдээ дэндүү их зовсон ч дэлхийн хүн амтай харьцуулахад цөөхөн хүнийг л аварч чадсан. Энэ гаргийн олон хүнийг аварч, үзэл бодлыг нь өөрчилж чадсан Их Багш тийм ч олон биш. Өндөр ёс суртахуунтай, соёлжсон, адислагдсан гаргаасаа манай шавар шавхайтай ертөнцөд хүрэлцэн ирж, биднийг тайтгаруулан, ийм гайхамшигт Бэлэг өргөн барьсан Танд баярлалаа. БУРХАН Таныг мөнхөд адислан, энэрэн хамгаалж, Танай Орны хүртэх ёстой элбэг тансаг бүхнийг хайрлах болтугай. Амен, Эрхэм ээ. Та надтай уулзсан ч, уулзаагүй ч хэзээ нэгэн цагт эргэн заларч, арвин адислалаараа энэ ертөнцийн оршин суугчдын сүнсийг дээшлүүлж тусална гэж найдаж байна. Баярлалаа, Эрхэм ээ.

Photo Caption: “Зүгээр л Зэрлэг Зүйл Гэж Юу Гэсэн Үг Вэ? Үзэсгэлэн гуа! Үнэхээрийн Үзэсгэлэн Төгөлдөр”

Зураг татаж авах